web counter
LEXO PA REKLAMA!

SHKARKO APP

App Store
Google Play

E fundit!

x

Nuk justifikoi udhëtimet jashtë vendit që nga viti 2004/Pse u shkarkua Dritan Peka

22 Tetor 2020, 12:02, Vetingu CNA

Shkarkimi i prokurorit Dritan Peka, duket se ka ardhur si shkak i deklarimit të pamjaftueshëm në kriterin e pasurisë. Kjo pasi, në seancën e kaluar Komisioneri Publik është tërhequr nga qëndrimi në akimin e bërë në aspektin profesional dhe etik.

Sipas Komisionerit Publik, prokurori Peka nuk mbulonte me burime financiare një pjesë të shpenzimeve për udhëtime jashtë shtetit të bëra që nga viti 2004. Shkaqet fillestare të ankimit ndaj subjektit lidheshin me një kredi të butë për strehim.

Ndërkohë, gjatë shqyrtimit të bërë në KPA, prokurori Peka ka deklaruar se nuk kishte balanca negative në analizën financiare nga udhëtimet.

Dritan Peka e ka filluar karrierën në sistemin e drejtësisë në Shqipëri në vitin 2000. Ai ka punuar si prokuror i Prokurorisë së Tiranës deri në vitin 2008, kur është promovuar si prokuror i Apelit të Tiranës. Ai është drejtuesi i Prokurorisë së Apelit të Tiranës prej vitit 2015.

Komisioneri i konsideroi bindëse një pjesë pretendimeve të prokurorit Peka lidhur me shpenzimet e udhëtimeve jashtë shtetit dhe qëndrimeve atje.

Komisioneri renditi të gjitha udhëtimet, të kryera prej vitit 2004 e në vazhdim, ndërsa tha se nuk vërtetohej mbulimi i shpenzimeve për një udhëtim të subjektit në Bruksel tek motra e tij.

Për pjesëmarrjen e bashkëshortes së Pekës në disa trajnime e seminare në vitin 2006 në vende të ndryshme të Bashkimit Evropian, Komisioneri Publik është shprehur se pranoheshin pretendimet për mbulimin e shpenzimeve të udhëtimit nga institucioni ku punonte, ndërkohë që sipas tij nuk janë vërtetuar shpenzimet e qëndrimit atje./CNA.al





Lajmet e fundit nga