web counter
LEXO PA REKLAMA!

SHKARKO APP

App Store
Google Play

E fundit!

x

Video/ Goli spektakolar në kampionat, Broja duhet të falenderojë... VAR-in

20 Tetor 2020, 18:38, Sport CNA

Armando Broja ka qenë protagonisti i kësaj jave në Holandë, duke shënuar dy gola për Vitesen përballë ADO Den Hag. Lojtari ka marrë vlerësime për paraqitjen e tij, pasi realizoi gola të rëndësishëm për skuadrën që po ecën me një ritëm kreu në këtë edicion.

Të gjithë vlerësuan sidomos golin e tij të dytë, kur pas një aksioni në krahun e djathtë, lojtari dribloi dy mbrojtës para se të gjuante me të majtën e të çonte topin në rrjetë duke mposhtur portierin. Një gol spektakolar, por që duhej anulluar.

Pamjet televizive tregonin Brojën qartësisht në pozicion jashtë loje në momentin e pasimit dhe lojtarët e ADO Den Hag i kërkuan shpjegime asistentit pse nuk kishte ngritur flamurin. Më kot ata kërkuan ndërhyrjen e VAR; pasi sistemi nuk i ndihmonte dot.

Siç kanë shpjeguar autoritetet përkatëse në Sektorin e Gjykimit në Holandë, kamerat ishin të gjitha në punë, por programi nëpërmjet të cilit operon VAR, nuk funksiononte në disa stadiume gjatë kësaj fundjave. Ndaj salla e VAR nuk mund të provonte me video që Broja ishte në pozicion jashtë loje dhe pa asistencën e videos, nuk lejohet që të japë këshilla për gjyqtarët në fushë. Ndaj goli i Brojës u pranua si i rregullt e sulmuesi iu gëzua dygolëshit të tij të parë mes profesionistëve.





Lajmet e fundit nga