web counter
LEXO PA REKLAMA!

SHKARKO APP

App Store
Google Play

Mbajtja e maskës në rrugë/ Maliqi akuza qeverisë: Bëhet për efekte politike

15 Tetor 2020, 17:28, Politikë CNA

Deputeti i opozitës Lefter Maliqi, foli sot për vendosjen e detyrueshme të maskës edhe në ambjentet e hapura.

Maliqi tha se në këtë rast ligjin do ta zbatojë pjesërisht, pasi duke cituar OBSH-në deklaroi se maskat në ambientet e hapura, nuk përbëjnë rrezik për njerëzimin.

?Unë jam ushtarak që 14 vjeç, e zbatoj ligjin që në moshë të vogël, zbatoj çdo akt normative. Sigurisht do ta zbatoj pjesërisht. Do ta zbatoj atje ku ka grumbullime, manifestime, duke ruajtur distancën dhe me radhë. Maskën e kam në dorë, kjo maskë e thjeshtë bën gati 5 qind lekë (të vjetra). Mbështetësit e mi në Berat, një familje mund të ketë 5-6 veta dhe kjo maskë nuk është më shumë se 2-3 orë dhe i bie tre mijë lekë (të vjetra) për çdo familje. Nëse qeveria do të subvenciononte maskat unë do ta respektoja 100%, sepse jam në mbështetje të elektoratit tim. Unë i përgjigjem edhe OBSH-së, e cila thotë se maskat në ambientet e hapura, nuk përbëjnë rrezik për njerëzimin?, u shpreh ai në ?Top Talk?.

Deputeti pretendon se akti normative për vendosjen e maskës ëhstë qëllimisht politik.

?Mendoj që ky akt normativ është për të nënshtruar qeverinë, ashtu si bëri me daljet e tija kur doli COVIDI, duke vendosur orare për njerëzit, sikur COVID-i vinte me orare të ndryshme. Ky akt normative është qëllimisht politik duke qenë në prag të zgjedhjeve elektorale dhe kjo bëhet thjesht për efekte politike?, theksoi Maliqi./ CNA.al





Lajmet e fundit nga