web counter
LEXO PA REKLAMA!

SHKARKO APP

App Store
Google Play

Petrit Vasili del kundër Metës/ Pranoni që keni gabuar

15 Tetor 2020, 16:43, Politikë CNA

Nënkryetari i LSI-së ka dalë sot kundër presidentit Ilir Meta, lidhur me dhënien e nënshtetësive.

Vasili ka bërë një replikë për Tedi Blushin, duke kritikuar kështu indirekt presidentin Meta, i cili është njëkohësisht themeluesi i Lëvizjes Socialiste për Integrim.

Numri 2 i LSI-së i kërkon Tedi Blushit që të pranojnë se kanë gabuar duke i dhënë shtetësinë shqiptare shkrimtarit dhe analistit Kim Mehmeti.

?Replikë e detyruar me Tedi Blushin!

Tedi pranoni që keni gabuar!

Nuk forcohet siguria kombëtare duke i dhënë shtetësinë Kim Mehmetit, që lufton me penë, me fjalë dhe me shembullin e tij për ruajtjen e kufijve të Kosovës dhe të integritetit të shqiptarisë, sepse siguria kombëtare forcohet e çimentohet vetëm siç bën Batoni, që i shet e copëton brenda natës kufijtë e Kosovës e ç’ti dalë përpara.

Tedi, familjaret e dëshmorëve të UÇK janë vërtet një rrezik real për sigurinë kombëtare, sepse janë mësuar të japin edhe jetën e të derdhin edhe gjakun për kufijtë e Kosovës dhe për dashurinë ndaj Shqipërisë, ndërkaq siguria kombëtare rritet e konsolidohet vetëm siç bën Batoni, që ja zhduk kufijtë Kosovës dhe i bën kryeqytet Beogradin shqiptarëve kudo që janë.

Ndaj i dashur Tedi pranoni që keni gabuar duke besuar tek Kim Mehmeti dhe familjarët e dëshmorëve të UÇK, sepse nuk na duhen patriotë si këta, por na duhen “luftëtarë dhe patriotë” si Batoni, që “lodhen” duke e shitur Kosovën e Shqipërinë dhe nuk lodhen që t?i mbrojnë?, shkruan Vasili në rrjetet sociale./ CNA.al





Lajmet e fundit nga