web counter
LEXO PA REKLAMA!

SHKARKO APP

App Store
Google Play

Rikthehen reshjet e dendura/ Si do të jenë temperaturat për ditën e nesërme

14 Tetor 2020, 14:36, Sociale CNA

Pas dy ditëve me reshje shiu të vazhdueshme, reshjet e shiut intensive dhe relativisht problematike rikthehen ditën e nesërme dhe në një pjesë të ditës së Premte.

Shërbimi Meteorologjik parashikon se nesër dita nis me vranësira mesatare deri të dendura shoqëruar me reshje shiu të herëpashershme me intensitet të ulët. Deri në orët e mesditës reshjet do të vazhdojnë me këtë intensitet ndërsa në veriperëndim dhe jugperëndim itensiteti bëhet mesatar dhe lokalisht deri i lartë. Nga orët e mesditës deri ato të pasdites përgjatë vijës bregdetare dhe zonat veriperëndim-jugperëndim reshjet shtojnë intensitet mesatar deri të lartë në formën e shtrëngatave dhe rrebesheve shoqëruar me shkarkesa elektrike.

Nga orët e pasdites deri ato të mesnatës reshjet me intensitet mesatar në të gjithë vendin ndërsa përgjatë vijës bregdetare, ultësirës perëndimore, verilindje por sidomos zonën e jugperëndimt reshjet do të jenë me intensitet të lartë. Reshjet me intensitet të lartë vijojnë deri në orët e mëngjesit (06-07) të ditës së Premte në zonën e qendrës dhe atë të jugut. Sipas parashikimeve zona e jugperëndimit mbetet përsëri zonë problematike me sasinë më të lartë të reshjeve.

Më pas vjen përmirësimi i situatës meteorologjike. Moti parashikohet me alternime kthjellimesh dhe vranësirash kalimtare. Vranësirat do të shoqërohen me reshje shiu të herëpashershme por të dobëta dhe lokale./ CNA.al





Lajmet e fundit nga