web counter
LEXO PA REKLAMA!

SHKARKO APP

App Store
Google Play

E fundit!

x

Shifra shqetësuese në shtetin fqinj/ Humbin jetën 5 pacientë, konfirmohen dhe 177 raste të reja

12 Tetor 2020, 17:16, Kosova & Bota CNA

Vijon të mbetet shqetësuese situata në Maqedoninë e Veriut.

Sipas autoriteteve vendase, gjatë 24 orëve të fundit nga 778 testime të kryera, janë konfirmuar pozitiv me Covid 177 raste të reja dhe 5 persona kanë humbur jetën.

Me shifrat e fundit, numri i përgjithshëm i të infektuarve në Maqedoninë e Veriut arrin në 21,130, i viktimave në 797 dhe i të shëruarve në 16,301.

Në Klinikën Infektive në Shkup, gjatë 24 orëve, janë pranuar tre persona, ndërsa numri i pacientëve që po trajtohen në këtë klinikë ka arritur në 93.

Ministria e Shëndetësisë është në pritje të miratimit nga qeveria të rekomandimeve nga Komisioni i Sëmundjeve Infketive për ndalimin e tubimeve dhe festimeve familjare.

Masat gjithashtu parashohin kufizimin e vizitave nëpër familje deri në katër persona, si dhe ndalimin e grumbullimit të më shumë se katër personave pas orës 22:00.

Ministri Filipçe tha se do të jetë e detyrueshme edhe mbajta e maskës në hapësirat publike, si jashtë, ashtu edhe brenda. Përjashtim do të ketë për aktivitetet sportive në natyrë, si dhe kur në automjet janë persona të së njëjtës familje./CNA.al





Lajmet e fundit nga