web counter
LEXO PA REKLAMA!

SHKARKO APP

App Store
Google Play

Javë “e sikletshme”/ Mësoni kapricot e motit për ditët në vijim

12 Tetor 2020, 06:05, Sociale CNA

Sipas modeleve të parashikimit, java që presim përpara pritet të jetë e ?sikletshme? dhe në ditë të vecanta problematike. Thënë kjo pasi parashikohet që e pjesa më e madhe e ditëve të javës të jetë me mot kryesisht të vranët shoqëruar me reshje shiu.

Për ditën e Hënë moti parashikohet fillimisht me vranësira mesatare deri të dendura dhe reshje shiu të herëpashershme me intensitet të ulët deri mesatar në formë shtrëngatash. Pas orëve të mesditës deri në orët e mesnatës ? për shkak të kalimit të një sistemi frontal ? reshjet e shiut fitojnë itensitet në të gjithë territorin. Ato bëhen të vazhdueshme me intensitet mesatar dhe të lartë. Zona e jugut si dhe vija bregdetare parashikohen të kenë sasinë më të lartë të reshjeve (por problematike mund të jenë reshjet edhe në vendndodhje të tjera të territorit).

Duke nisur nga dita e Martë deri në orët e mesditës të diës së Enjte moti do të jetë kryesisht me vranësira mesatare deri të dendura por lokalisht nuk do të mungojnë edhe intervalet me diell. Vranësirat do të shoqërohen me reshje shiu të herëpashershme me intensitet të ulët dhe mesatar në formën e shtrëngatave dhe stuhive afatshkurtër.

Nga orët e mesditës të ditës së Enjte e deri në orët e mesditës të ditës së Premte mbi vendin tonë do të përsëitet ?skenari? i ditës së Hënë. Moti do të jetë me vranësira të dendura dhe reshje shiu të vazhdueshme me intensitet mesatar dhe të lartë. Itensiteti i lartë nis fillimisht përgjatë vijës bregdetare dhe zonat juperëndimore dhe veriperëndimore, për tu shtrirë më pas në pjesën më të madhe të territorit. Si ditën e Hënë ashtu dhe atë të Enjte dhe të Premte këto reshje do të jenë në formën e stuhive, rrebesheve shoqëruar me shkarkesa elektrike dhe breshër. Itensiteti i reshjeve bie pas orëve të pasdites së ditës së Premte./CNA.al





Lajmet e fundit nga