E fundit!

22:21 Aktualitet

Reagimi i Shqipërisë ndaj deklaratës së ministres serbe/ Sveçla: Duhet të jetë më konkret

Ministri i Brendshëm i Kosovës, Xhelal Sveçla ka folur mbr...

“Dikur, prodhimet “Made in Albania” kishin vlerë”/ Kikia “i përvishet” qeverisë: Pse nuk eksportohen më

12 Tetor 2020, 16:17, Politikë CNA

Gazetari Mentor Kikia ka publikuar një foto të viteve të komunizmit dhe ka reaguar lidhur me ushqimet që ne konsumojmë në përditshmëri.

Kikia deklaron se në ato vite prodhimet bujqësore shqiptare eksportoheshin në tregjet e Lindjes, ndërsa kujton kohën kur ka qenë në shkollën 8 vjeçare dhe i kishin dërguar të ngarkonin kamionët.

Gazetari ka reaguar ashpër lidhur me situatën aktuale, teksa kërkon të dijë se përse nuk eksportohen më masivisht prodhimet tona bujqësore.

?Dikur, prodhimet ?Made in Albania? kishin vlerë!

Ata që e kanë jetuar atë kohë (që mos ardhtë më), mbajnë mend ndarjen e produkteve për eksport në çdo sektor. Prodhimet bujqësore vërshonin në tregjet e Lindjes, në vendet simotra komuniste.

Mbaj mend, kur isha nxënës në shkollën 8 vjeçare, që na çuan të ndihmonim kooperativistët të mblidhnim shalqi, që ngarkoheshin në kamionë, për të cilët dëgjonim se ikin për eksport. Për periudhën, nuk kam asnjë lloj nostaligje, por për prodhimet ama kam.

Megjithatë, shkaku që e risolla këtë foto është pyetja: Përse sot ne nuk eksportojmë masivisht prodhimet tona bujqësore, perime e fruta? Përse çdo verë e vjeshtë shikojmë fshatarë që qajnë mbi djersën e tyre ndërsa e hedhin nëpër kanale apo e lënë tu kalbet sepse nuk e shensin dot?

Nuk ka treg më jashtë? Prodhimet tona nuk janë më cilësore? Fermerët shqiptarë nuk janë të organizuar, për ti dërguar prodhimet atje ku ka nevojë?

A mund të luajë rol shteti këtu, apo fshatarët duhet të nisen vetë, secili me prodhimet e veta, me zetora e karroca me kuaj, drejt Varshavës, Budapestit apo Bukureshtit??, shkruan ai në rrjetet sociale./ CNA.al