E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Skualifikimet në qarkun e Korçës/ Mustafaj: Kjo degë do rifreskim të përfaqësimit

8 Tetor 2020, 16:30, Politikë CNA

CNA.al raportoi ditën e djeshme për refuzimin masiv të Klevis Balliut në Pogradec, ku gati 80% e strukturës së degës së PD-së votoi kundër djalit të Fahri Balliut .

Gjithashtu edhe disa kandidatë të tjerë të Lulzim Bashës u refuzuan në qarkun e Korçës, ndërsa në degët e Devollit dhe të Maliqit u regjistruan përplasje dhe incidente.

Anëtari i Komisionit të Vlerësimit të Kandidaturave në PD, Besnik Mustafaj, foli ditën e sotme për skualifikimin e kandidatëve.

Mustafaj tha se në këtë proces nuk ka term skualifikim, por sipas tij ata që janë hequr nga anëtarësia s?mund të garojnë për deputet.

Ai deklaroi në News 24 se nuk e di shumë mirë si funksionon nëpër degët e PD-së, ndërsa theksoi se në qarkun e Korçës PD ka nevojë për rifreskim të përfaqësimit.

?Lista nuk ka rënë, në disa qarqe ka pasur minimumi dyfishi i kandidatëve për kandidatë. Ne kemi dërguar ty x herë 2, nuk ka rënë lista. Realisht janë dërguar nëpër degë këto lista. Qëllimi ka qenë që anëtarësia i sheh, pavarësisht se këta janë të gjithë të propozuar nga anëtarësia, s?janë produkt i komisionit ku jam unë. Janë këta propozime të anëtarësisë dhe i kemi çuar. Ne i kemi dërguar për rivotim, dhe i kërkon anëtarësisë për miratim.

Unë nuk kam ndonjë gjë për informacionet, u bënë 10 vjet që s?jetoj në dinamikën e degëve të PD. Hamendja ime është se kjo degë do rifreskim të përfaqësimit, qoftë për parlamentin qoftë për zgjedhjet e ardhshme për kryebashkiakë. Vullneti duhet parë si pozitiv, pra ripërtëritja?, u shpreh Mustafaj./ CNA.al