E fundit!

15:58 Aktualitet

Gjykata e Lartë rrëzon rekursin e ish-kryebashkiakut të Rrogozhinës, mbetet në burg

Gjykata e Lartë ka vendosur të mos pranojë rekursin e ish-...

Malaj i përvishet moderatores sportive: Më le 1 orë e gjysëm në pritje, të flas apo të iki fare?

7 Tetor 2020, 11:40, Sport CNA

Gjatë emisionit ?Sport News Plus? në ?News 24?, është regjistruar një rast i paprecedentë, mes njërit prej të ftuarave dhe moderatores, Dajlana Sejdia.

I ftuar në emision ishte ish-Ministri i Financave, Arben Malaj, i cili nuk ka qenë aspak i kënaqur për shkak të pritjes për të folur dhe të dhënë mendimin e tij. Moderatorja i ka kërkuar disa herë ndjesë, duke thënë se në transmetime ?live? ndodhin edhe këto, por Malaj duket se ishte mërzitur shumë.

Për më tepër ndiqni debatin e mëposhtëm:

Dajlana Sejdija: Ndjesë për vonesën, pro kisha këtu 3 tiranas që po flisnin për ecurinë e Tiranës.

Arben Malaj: Mbi të gjitha kam respekt për ndjekësit tuaj dhe kam një detyrim moral ndaj News 24 dhe kolegëve të mi për të qenë këtu. Por më lejo të them se mënyra se si e trajton një të ftuar është diskriminuese. Nuk më ka ndodhur me asnjë TV tjetër dhe asnjë moderator tjetër. Nuk kërkoj një status të veçantë, por kam respekt për kohën dhe prioritetet

Daljana Sejdija: Prandaj dhe ne kemi respektin reciprok dhe ju falënderojmë shumë, duke ju kërkuar ndjesë për pritjen.

Arben Malaj: Zonjë e nderuar do më lejoni të flas apo të iki?! Ju nuk mund të bëni sport me korrektësinë dhe integritetin tim. Ishte oferta juaj që unë të isha gati për një debat që ka lidhje me sportin shqiptar dhe të jepja një lloj kontributi për 4 kërkesat.

Daljana Sejdia: Ne jemi shumë të interesuar për të mësuar lidhur me këto kërkesa.

Arben Malaj: Jo zonjë jo. Në momentin që nuk respekton integritetin e të ftuarit tregon që nuk keni interes për atë që doni të trajtori.

Daljana Sejdia: Ju kërkojmë shumë ndjesë, por edhe ne duam të kemi pak mirëkuptimin tuaj, për shikuesit që na ndjekin dhe për kohën në dispozicion.

Arben Malaj: Nuk mund të kemi mirëkuptim dhe kohën në dispozicion e ndani ju. Keni 45 minuta dhe një orë e gjysmë që më lë në pritje. Nëse nuk keni nevojë për mua mos më ftoni, por jo të më lësh 45 minuta në pritje.

Daljana Sejdija: Ju kërkojmë shumë ndjesë për pritjen.

Arben Malaj: Reagimi për të kërkuar ndjesë është shumë normal nga ana juaj?!

Daljana Sejdija: Ju kërkova ndjesë zoti Malaj!

Arben Malaj: Jo nuk më njoftuan që do të ketë shtyrje të prezencës.

Daljana Sejdija: Unë jam live, në momentin e parë që kisha hapësirë publicitare ju kërkova ndjesë.