web counter
LEXO PA REKLAMA!

SHKARKO APP

App Store
Google Play

Duro: Fitoj gjithçka me Feronikelin, do e rikthej këtë klub në majë

7 Tetor 2020, 07:40, Sport CNA

Klodian Duro nga dje është trajneri i ri i skuadrës së Feronikelit, pas dorëheqjes së ish-teknikut Afrim Tovërlani. Elbasanasi ka marrë mesditën e djeshme zyrtarisht detyrën, teksa pas prezantimit ka shpallur edhe objektivat e skuadrës për sezonin e ri.

Duro pretendon të sfidojë emra si Ballkani, Drita e Gjilani, të cilët kanë bërë merkato milionere këtë merkato dhe të fitojë titullin kampion me Feronikelin.

?Jam shumë i kënaqur që jam këtu sot në Drenas. Nuk mund t?i thosha jo ofertës së presidentin Naser Ramaj dhe e falënderoj për besimin e madh që ka tek unë. Jemi gjendur mirë bashkë me pjesëtarët e tjerë të Feronikelit dhe po ndihem si në shtëpinë time.

Uroj që gjithë së bashkë të bëjmë më të mirën sepse jam në një nga klubet më të mëdha në Kosovë që ka fituar gjithçka dhe gjithmonë synon majat e futbollit. Kemi një grup të mirë futbollistësh dhe kam besim se do ta rikthejmë Feronikelin aty ku e meriton.

E falënderoj trajnerin Afrim Tovërlani për punën që ka bërë tek Feronikeli dhe jam i mendimit që gjithë bashkë tu kthehemi sa më shpejt te rezultatet pozitive dhe në fund të renditemi në majë e pse jo të fitojmë gjithçka që fitohet këtë sezon?, u shpreh Duro.





Lajmet e fundit nga