web counter
LEXO PA REKLAMA!

SHKARKO APP

App Store
Google Play

E fundit!

x

“Do të përballeni me një faturë shumë të madhe”/ Meta paralajmëron deputetët para votimit në Kuvend

5 Tetor 2020, 09:20, Politikë CNA

Presidenti Ilir Meta ka paralajmëruar të gjithë deputetët, që janë të pranishëm në seancën e sotme plenare, ku pritet të votohen ndryshimet në Kodin Zgjedhor, se do të mbajnë përgjegjësi.

Meta u shpreh se do të ketë një faturë shumë të madhe historike dhe individuale për të gjithë ata deputetë, që i votojnë këto ndryshime.

?Vendi ynë duhet të ishte sot në BE, por ka humbur shumë kohë. Për fat të keq ne jemi vonuar. Shpresoj që sot të merret një vendim i drejtë, të respektohet marrëveshja e 5 qershorit. Cdo prekje e njëanshme e marrëveshjes historike të 5 qershorit do të jetë një faturë shumë e madhe historike dhe personale për të gjithë ata që do të ngrenë dorën kundër integrimit evropian të Shqipërisë, pasi i kemi paralajmëruar në mënyrë të qartë dhe të vazhdueshme.
Vetëm duke respektuar marrëveshjen, duke bërë zgjedhje të lira e demokratike, ne çelim negociatat, por edhe japim shembull për cdo vend tjetër. Maqedonia e Veriut na ka dhënë një shembull të shkëlqyer se si kapërcehen problemet e brendshme dhe si zgjidhen krizat. Të mos harrojë asnjë deputet se përgjegjësia e tij do të jetë individuale, nëse ngre dorën kundër të ardhmes evropiane?, deklaroi Meta./CNA.al





Lajmet e fundit nga