Shoqata e Gazetarëve Europianë paralajmëron Ramën dhe Metën/ Respektoni median dhe gazetarët, në të kundërt…

4 Tetor 2020, 19:18, Politikë CNA

Një tjetër reagim ka ardhur pasi presidenti Ilir Meta sulmoi gazetën ?Tema?.

Shoqata e Gazetarëve Europianë dënon sulmin e Metës dhe thotë se deklaratat e këtij të fundit janë të tepërta dhe fyese.

Gjithashtu Shoqata e Gazetarëve Europianë ka kritikuar edhe përjashtimin e gazetares së Syri Tv nga një konferenca e kryeministrit Edi Rama.

AEJ paralajmëron se për çdo episod që cënon lirinë e medias dhe intimidohet, do të njoftojë edhe platformat kryesore Europiane

?Shoqata e Gazetarëve Europian seksioni shqiptar, shpreh shqetësimin për dy episode shumë të rënda, të ndodhura këtë fundjavë ndaj medias, çfarë tregojnë për një klimë aspak normale në të ushtruarit e profesionit të gazetarit.

AEJ Shqipëri, e konsideron të tepërt dhe fyes, reagimin e Presidencës ndaj Gazetës Tema. Institucionet publike nuk duhet të reagojnë në asnjë rrethanë në shkelje të etikës dhe aq më tepër të fyejnë një media, pavarësisht qëndrimeve të kundërta. Beteja e institucioneve publike në Shqipëri, nuk është me median, por me të vërtetën dhe transparencën.

Shqetësimi i dytë lidhet me përjashtimin e gazetares të televizionit Syri, nga një aktivitet politik i Partisë Socialiste. Episod që tregon se media, sidomos ajo kritike diskriminohet në mënyra të padrejta. Ne i bëjmë thirrje partive politike të tregohen me transparente me median dhe të respektojnë gazetarët.

Fatkeqësisht ky është një fenomen që po përhapet ndjeshëm kohët e fundit si te partia në pushtet por edhe te ato opozitare. AEJ dega Shqipëri i bën apel faktorit politik, të kenë më kujdes në respektimin e të drejtave të gazetarëve si një nga të drejtat themelore për një shtet demokratik ku shoqëria aspiron.

Për çdo episod që cënon lirinë e medias dhe intimidohet, AEJ Shqipëri do të njoftojë edhe platformat kryesore Europiane?, nënvizohet ndër të tjera në deklaratë./ CNA.al