web counter
LEXO PA REKLAMA!

SHKARKO APP

App Store
Google Play

Video/ Fantastik mbrojtësi i Kombëtares, i dhuron fitoren skuadrës së tij

28 Shtator 2020, 09:12, Sport CNA

Është mbrojtës, por kjo nuk mund të thotë se nuk mund të jetë vendimtar për ekipin e tij duke përkthyer në gol një 11-metërsh në minutën e 96 të sfidës. Fjala është për Herdi Prengën, i cili ka qenë edhe pjesë e kombëtares e tashmë aktivizohet në Letoni me Rigën.

26-vjeçari u shndërrua në protagonist të ekipit të tij në ndeshjen e djeshme të kampionatit në transfertë ndaj Spartaks, të cilën e fituan me rezultatin 1-2. Falë këtij suksesi të ardhur nga këmbët e Prengës, Riga ruan e qetë kryesimin në kampionat teksa pas 20 ndeshjesh të luajtura udhëheq me gjashtë pikë nga ndjekësit e RFS. Riga ishte pjesë edhe e Ligës së Europës, por u eliminua nga Sëlltik. Ndërkohë, pas ndeshjes së kampionatit, Prenga u shpreh se ishte i sigurt se do të shënonte nga pika e bardhë.

?Ishte një ndeshje shumë e komplikuar, përgëzime ekipit dhe stafit teknik, pasi nuk ishte e thjeshtë të luanim pas takimit me Celtic, aty ku dhuruam shumë emocione dhe shpenzuam energji të madhe. Treguam karakter, nuk luajtëm shumë mirë, por kemi kualitete në ekip dhe e fituam takimin. Krijojmë shumë raste, por, të jem i sinqertë, as fati nuk ka qenë me ne. Goli im? Kisha dalë në sulm, pasi ishin sekondat e fundit.

E prisja atë top të gjatë, ia dola të fitoj penalltinë dhe më pas e patë vetë çfarë ndodhi. Nuk kisha emocione para goditjes. Isha plot besim, mora topin dhe shënova gol?, ishin fjalët e Prengës për kanalin zyrtar të klubit letonez.





Lajmet e fundit nga