web counter
LEXO PA REKLAMA!

SHKARKO APP

Eksod te Kukësi, largohet një tjetër titullar

28 Shtator 2020, 10:19, Sport CNA

Një tjetër futbollist titullar ka vendosur t?i japë lamtumirën Kukësit. Bëhet fjalë për Emiliano Mustën, i cili edhe pse para pak kohëve rinovoi kontratën, tashmë nuk është më pjesë e verilindorëve. Këtë e ka komunikuar vetë klubi i Kukësit nëpërmjet faqes zyrtare në rrjetet sociale, teksa palët kanë zgjidhur kontratën me marrëveshje.

?Emiljano Musta nuk është më pjesë e Kukësit! Mbrojtësi nga Elbasani ka mbyllur sot aventurën e tij me skuadrën tonë. Pas një diskutimi mes klubit dhe futbollistit, u arrit marrëveshja për zgjidhjen e kontratës. Klubi i Kukësit e falënderon Emiljano Mustën për kontributin e dhënë me fanellën e Kukësit dhe i uron suksese në të ardhmen. Faleminderit Emiljano!?, ishte deklarata e klubit të Kukësit.

Kështu, skuadra e sezonit të kaluar është shpërbërë totalisht teksa janë larguar emra me peshë si Teqja, Obanor, Musta, Rroca, Musolli, Et?hemi, Shkurtaj e Abazaj. Ndërkohë, pak ditë më parë u largua edhe një afrim i bujshëm i merkatos së kësaj vere si Bruno Telushi, që tashmë është pjesë e Nefçi Baku.





Lajmet e fundit nga