web counter
LEXO PA REKLAMA!

SHKARKO APP

App Store
Google Play

Bare: Një ditë do luaj sërish për Atleticon e Madridit

27 Shtator 2020, 13:48, Sport CNA

Keidi Bare vendosi të ndryshojë skuadër për sezonin e ri, teksa u largua nga Malaga për të kaluar te klubi tjetër spanjoll i Espanjolit.

Në një prononcim të dhënë së fundmi, mesfushori i Kombëtares ka pranuar se kartoni i tij ka kushtuar 2 milionë euro, duke treguar më tej se nuk mund të luajë për Espanjolin, deri në momentin që të largohet ndonjë nga mesfushorët e kësaj skuadre.

?Po, është shumë e vërtetë. Kartoni ka kushtuar 2 milionë euro, plus një milionë euro të tjera në formë bonusesh. Numrin nuk e kam zgjedhur ende, pasi për momentin jam në listën e pritjes. Unë nuk mund të luaj nëse nuk ikën ndonjë prej mesfushorëve aktualë dhe po pres largimin e ndonjërit prej tyre këto ditë, që të përfshihem në ekip.

Unë besoj se kam ardhur në një ekip shumë të madh në Spanjë, pasi Espanypol është një nga 3-4 ekipet që ka qëndruar gjithmonë në La Liga. Jam i lumtur që jam këtu, pasi bëhet fjalë për një klub shumë të madh, me tradita dhe tifozëri shumë të mirë, ndaj shpresoj të rikthehemi menjëherë në La Liga.

Është e vërtetë që më ka mbetur peng që nuk debutova dot në La Liga me Atletikon, por kurrë mos thuaj kurrë, pasi unë besoj se do të luaj shumë shpejt në La Liga dhe pse jo, një ditë të vesh sërish fanellën e Atleticos së Madridit.?, u shpreh Bare për ?Supersport?.





Lajmet e fundit nga