web counter
LEXO PA REKLAMA!

SHKARKO APP

Garë e nxehtë në merkato, futbollisti shqiptar "driblon" Parmën. Akord me klubin e Premier Ligës

25 Shtator 2020, 16:34, Sport CNA

Andi Zeqiri është një nga sulmuesit më të mirë shqiptarë të sezonit të fundit. Ai është shndërruar në një ?makineri? golash te Lozana në Zvicër, ku sezonin e shkuar e mbylli në kuotën e 22 rrjetave të tundura. Gjatë gjithë merkatos së kësaj vere u fol për kalimin e tij në Itali, ku Verona e së fundmi Parma e donin me ngulm.

Për këta të fundit u fol se ishte arritur marrëveshja totale dhe Zeqiri do të kalonte në klubin e Serie A për vlerën e 3 milionë eurove. Por fuqia e Premier Ligës e superon atë të ligës italiane dhe Zeqiri e ka braktisur pistën përtej Adriatikut dhe ka arritur marrëveshje me klubin nga ishulli, Brajton.

Gazetari më i besueshëm i merkatos, Fabricio Romano raporton se ?Pulëbardhat? kanë gjetur akordin me Zeqirin dhe klubin helvet. Brenda pak orësh 21-vjeçari do të zbarkojë në Angli për t?iu nënshtruar vizitave mjekësore dhe për të firmosur me klubin e ri, me të cilin do të ketë mundësi të luajë në një prej tre ligave më të forta të rruzullit.

Brighton are set to sign Andi Zeqiri from Losanna. Total agreement reached and medicals expected on next hours – he?ll be the new striker. ? #Brighton #transfers

— Fabrizio Romano (@FabrizioRomano) September 25, 2020





Lajmet e fundit nga