web counter
LEXO PA REKLAMA!

SHKARKO APP

App Store
Google Play

Pse nuk i lejojnë mjekët të protestojnë?/ Manastirliu: Nuk besoj se janë të pakënaqur

23 Shtator 2020, 20:23, Lifestyle CNA

Sindikata e mjekëve ka paralajmëruar se do të dalë në një protestë para QSUT-së ditën e nesërme dhe për këtë ka reaguar edhe ministrja e Shëndetësisë Ogerta Manastirliu.

Ministrja u pyet se përse nuk i lejojnë mjekët të protestojnë, duke qenë se Policia e Shtetit nuk i dha leje me pretekstin se nuk lejohen tubimet në kohë pandemie, por Manastirliu nuk pranoi ta komentojë.

?E para, më lejo të them që Sindikata e Mjekëve i është drejtuar Policisë së Shtetit me një kërkesë dhe nuk dua të komentoj intitucionet mbi atë që ata kanë për detyrë të zbatojnë. Thënë kjo, mjekët dhe infermierët më njohin ashtu sikurse i njoh në punë prej 7 vitesh. I vlerësoj për punën që ata bëjnë jo vetëm sot por edhe dje, por dera ime është e hapur për çdo mjek dhe infermier për të biseduar, për të dialoguar. Pra, nuk ka asgjë që ne nuk e themi me njëri-tjetrin, diskutojmë me njëri tjetrin?, u shpreh ajo në emisionin ?Real Story?.

Teksa u pyet se përse janë të pakënaqur, ministrja tha se nuk beson të jetë pakënaqësi, ndërsa theksoi se për të mësuar më shumë rreth kërkesave të tyre do të mbahet edhe një takim në Kryeministri nesër.

?Nuk besoj se ko është pakënaqësi dhe nuk do doja t?i jepja ngjyrim emocional të tepruar. Ne jemi në një llogore me mjekët dhe punojmë për të njëjtin qëllim dhe ashtu sikurse premtimet i kemi mbajtur në çdo ditë të punës sonë, deklaratat e kryeministrit pak ditë më parë tregojnë realisht vlerësimin maksimal për punën e personelit mjekësor, për rritjen e historike të pagave, që është shpërblimi më i mirë që i japim mjekëve.

Nuk besoj se është qëllimi i pagave dhe shpërblimet. Përmendet pjesa e pagave që është ezauruar në deklaratat e kryeministrit. Do bisedohet edhe njëherë. Ne jemi me ta për të gjithë mbështetjen që meritojnë, ndaj urat e bashkëpunimit janë të hapura?, deklaroi Manastirliu.

Ndërkohë për rritjen e pagave tha se nuk është një premtim elektoral, pasi pretendon se pagat do të rriten më para se vendi të shkojë në zgjedhje./ CNA.al





Lajmet e fundit nga