web counter
LEXO PA REKLAMA!

SHKARKO APP

App Store
Google Play

“Harroi” pandeminë pasi u shpall “Qytetar Nderi”/ Pipero kërkon ndjesë publike

21 Shtator 2020, 17:13, Lifestyle CNA

Mjeku i njohur infeksionist Pëllumb Pipero, mori pak ditë më parë çmimin “Qytetar Nderi” nga Bashkia e Skraparit.

Nga emocionet mjeku u shfaq në ceremoni duke përqafuar qytetarët pa respektuar masat anticovid, cka shkatoi reagime të shumta në rrjetet sociale.

Lidhur me këtë incident, Pipero ka folur sot në një lidhje me Report tv, ku ka kërkuar dhe ndjesë publike. Ai tha se është një shembull për tu evituar.

?Ishte një gabim që duhej evituar. Duhet të ishim treguar më të kujdesshëm. Emocionet ishin shumë të mëdha. Është një shembull që nuk duhej të ishte ndjekur. Një ndjesë publike për atë që ndodhi. Duhej ta kishim shmangur”, tha Pipero.

Duke folur më tej për situaën e pandemisë dhe rritjen e rasteve, Pipero u shpreh se shqetësim nuk është numri i lartë i të infektuarve por numri i lartë i të shtruarve në spital.

“Kemi thënë që do të kishte luhatje. Edhe pse është një virus respirator ajo nuk reagon njësoj ndaj temperaturave. Përgjithësisht specialistëve nuk na shqetësojnë rastet pozitive që dalin çdo ditë, por pacientët e shtruar. Ne nuk na mungojnë kapacitetet. Ajo që dëshirojmë është që të mos i përdorim 100 përqind kapacitetet. Duhet ta parandalojmë. Ne duhet t’i këshillojmë që të bëjnë sërish kujdes pasi virusi vijon të jetë prezent. Të moshuarit dhe ata me probleme kronike janë akoma më të rrezikuar. Është ende herët të flasim për shkollat, duhet të kalojë të paktën 3 javë që të themi tamam. Hapja e shkollave është një hap i mirë që tregon hapjen e jetës. Por normalisht të respektohen masat” ,theksoi ai./CNA.al





Lajmet e fundit nga