E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Kunati, simboli i një pushteti që po lind i korruptuar

15 Shtator 2020, 19:23, Politikë CNA

Ka prej kohësh që qarkullon një frazë për të qeshur në lidhje me kreun e opozitës dhe përpjekjen e tij për të ardhur në qeveri.

?Që të vijë Luli në pushtet, duhet të ndajë gruan?, është shprehja që përdoret në sallonet e kryeqytetit, referuar kështu me simbolikë fuqisë që kunati i Lulzim Bashës ka prej kohësh dhe është kthyer në njeriun e tretë në vend që ka ngjitje me oligarkët pas Edi Ramës dhe Erion Veliajt.

Erion Isufi, ka pushtet të fortë brenda PD-së, ku kontrollon disa grupime interesi dhe zyra analitike e propagande, por është kthyer edhe në një lloj prodhuesi parash nga oligarkët.

Kush nuk i mban mend betejat e nisura nga PD-ja kundër konçensioneve, PPP-ve apo kontratat e qeverisë me të fuqishmit e parave në vend, që kanë përfunduar butë- butë, pasi është arritur një marrëveshje me Lulzim Bashën, alias kunatin.

Një personazh që në fillim u duk fiction, më pas i ekzagjeruar, por dalë ngadalë ai u përvijua me emër nga të gjithë të larguarit nga PD-ja, e sot ai është një realitet pushteti në partinë më të madhe të opozitës.

Një realitet pushteti në politikë, është një zhvillim normal, që kudo ka grupe e influenca, por ky realitet është kthyer në një peng të pushtetit real të opozitës.

Një mekanizëm për të dubluar qokat e Ramës me oligarkët, qoftë në natyrë që përfshihet me vila e shtëpi plazhi, qoftë me sponsorizime fushate, qoftë edhe mbështetje financiare për mediat pranë tyre, shkruan Pamfleti.

Thuajse të gjithë oligarkët, madje Vilma Nushi, simboli klientelist i familjes kryeministrore, kanë tangencialen e vet tek zyrat e Erion Isufit. E keni vënë re që Vilma, aq shumë e sulmuar nga PD, nuk përflitet më në kuzhinat politike dhe mediatike të opozitës?!

Përse kontaktojnë kaq shumë këto njerëz të rëndësishëm: çfarë pushteti ka në dorë opozita përveç atë moral?

Analiza na vjen në ndihmë: Zbutjen apo tërheqjen nga akuzat, sulmet apo akuzat ndaj rivalëve, apo edhe më keq bjeri Ramës të na japë para se i ndajmë bashkë.

Besoj ju kujtohet fjalimi i famshëm i kryeministrit kur PD ishte në Parlament që i tha se shumica e kontraktorëve të qeverisë kanë qenë sponsorët më të mëdhenj të Partisë Demokratike?

E çfarë pastaj? Një opozitë kur flet për një betejë për të mos lejuar, apo të paktën kundërshtuar kalimin e kontratave flagrante të qeverisë me këta biznesmenë, duhet ta kthejë në kauzë.

Jo me fjalë boshe, por duke bërë një preventiv, me ato para që mbledh në një letër, duhet t?i argumentojë ku dërgohen dhe si të investohen. Pasi ndryshe, do të vijmë sërish në një situatë ku dhe erdhëm xhanëm, ku ndryshohet qeveria, por performanca mbetet e njëjtë: të gjitha punët publike i shkojnë po njërës pale; një grupi të ngushtë.

Kontraktorë, biznesmenë, oligarkë, kanë peshën e tyre dhe nuk mund t?i ndalosh të ndikojnë; pasi zotërojnë para, media, ndikojnë në zyra e në zyrtarë, por një opozitë përpara se të vijë në pushtet, nuk do të mund të krijojë një marrëdhënie paralele me klientelën e qeverisë; pasi përndryshe thjesht do të marrësh paratë, e kjo nuk është gjë tjetër veçse ortakëri pushteti.

Po revolucioni? Djegia e mandateve? Bojkotimi i Zgjedhjeve? Sulmi ndaj Kryeministrisë? Ata janë thjesht loja?