web counter
LEXO PA REKLAMA!

SHKARKO APP

App Store
Google Play

E fundit!

x

Naftëtarët e Ballshit tentojnë të futen në uzinë/ Protestuesit: Do marrim atë që na takon

14 Shtator 2020, 08:55, Aktualitet CNA

Naftëtarët e Ballshit kishin paralajmëruar  ditën e sotme protesta për shkak të pagave të parapambetuara,  prandaj janë mbledhur përpara uzinës ku kërkojnë hyrjen brenda saj.

Punonjësit kërkojnë të marrin paga por protesta e tyre ka krijuar tensione të shumta, pasi jnë përballur me policinë.

“I bëjmë thirrje që të hapin derën, ky është vendi ynë i punës, nuk kemi gjë me policinë. Ne duhet të marrim atë që na takon, uzinën le ta çojnë për skrap po të duan. Edhe ne kemi fëmijë dhe duam atë që na takon” – thotë njëri prej protestuesve.

Protestuesit thotë se nuk duan të përplasen me policinë dhe madje ata nuk duhet të ishin aty.

“Nuk e di nëse ministri po e sheh situatën këtu ku policia ka zaptuar në mënyrë të paligjshme rafinerinë. Që policia të hyjë në një kompni private duhet të jetë bërë një kërkesë nga pronarët që po ushtrojnë dhunë. Po i bëj thirrje ministrit që të reagojë se ne jemi për të shkuar në vendin e punës dhe për të mbrojtur rafinerinë nga zjarret e mundshme. Ne jemi papunë, jemi njerëz të qytetëruar, kemi 40 vite pune në rafineri. Persona të papërgjegjshëm na kanë marrë të dhënat tona personale dhe sot nuk paraqiten këtu. Në rast se personi e sheh të dyshimtë ardhjen e tij pasi na ka marrë të dhënat tona le të vi tëna kthejë mbrapsht, të na shlyejë të gjitha detyrimet që na ka dhe ne marrim rrugën drejt qytetit se nuk vijmë këtu të përplasemi me forcat e rendit” – thotë një prej protestuesve.

Një tjetër protestues i bën thirrje kryeministrit të vendit që t’i ndihmojë ata.

“I nderuar kryeministër vër dorë mbi ne se kemi mbi 10 muaj pa punë. Ti ke dhënë 3.2 miliardë koncesione dhe PPP nga taksapaguesit shqiptarë, sikur 1 përqind të kishe hedhur tek kjo uzinë, sot kjo do të ishte në punë” – është thirrja e një protestuesi tjetër.





Lajmet e fundit nga