web counter
LEXO PA REKLAMA!

SHKARKO APP

App Store
Google Play

E fundit!

x

Kazinotë në Shqipëri/ Braçe: Ndalimi i lojërave të fatit dhe basteve në fuqi

14 Shtator 2020, 20:58, Politikë CNA

Zëvendëskryeministri Erion Braçe sqaroi në Euronews Albania VKM e miratuar së fundmi që përcakton zonën se ku lejohen kazinotë në Shqipëri.

“Nuk do të hapen lojërat elektronike të fatit, ato që keni parë poshtë pallateve, buzë rrugëve. Nuk do të hapen bastet sportive,” sqaroi Braçe.

“Mbetet në fuqi ndalimi ose ligji që i konsideron të paligjshme lojërat elektronike të fatit, bastet, bingot dhe çdo gjë tjetër,” shtoi zv.kryeministri.

Sipas Braçes, ligji i 2018 lë në fuqi kazinotë në hotele me 5 yje dhe resort-kazinotë, të certifikuara ndërkombëtarisht dhe nën një emër brandi.

Zëvendëskryeministri tha se Vendimi i Këshillit të Ministrave ka zbatuar nenin e ligjit ekzistues, që detyron Këshillin e Ministrave të nxjerrë vendim për përcaktimin e zonës, ku do të lejohen kazinot dhe procedurat.

“E para nuk bëhet fjalë për qendrën e saj. Këtu nuk mban më për të ndërtuar asnjë godinë tjetër, ka kufizim në këtë ligj. Nuk lejohet në 100 metra në vijë ajrore nga Katedralja apo Teqeja. Kam miratuar vendim që ma kërkon ky ligj, kam zbatuar pikë për pikë këtë ligji. S?ka se si ndërtohet,” shtoi z. Braçe lidhur me kazinot.

Drejtorja e Lajmeve në Euronews Albania, znj. Ilva Tare pyeti Braçen nëse vendimi për rikthimin e kazinove po përdoret për efekt elektoral, zv. kryeministri zgjodhi të mos përgjigjet në mënyrë të drejtpërdrejtë, ndërsa shtoi se: ?Po t’i referohemi fakteve, edhe partia ku unë bëj pjesë, iu vu përballë bandave të bixhozit dhe basteve?.





Lajmet e fundit nga