web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet kushtetuese/ Kryemadhi: Në Kodin Zgjedhor të përfshihet edhe letra e Yuri Kim

14 Shtator 2020, 19:59, Politikë CNA

Kryetarja e LSI, Monika Kryemadhi, ka komentuar mbledhjen e Këshillit Politik të zhvilluar këtë të hënë.

Duke iu referuar deklaratave të Gjiknurit, i cili i kërkoi opozitë të sillte propozimet për pragun elektoral, Kryemadhi tha se opozita nuk ka çfarë të propozojë pasi propozimi i saj është për lista 100%.

Sipas saj, ndryshimet kushtetuese janë ndërmarrë nga mazhoranca dhe propozimet duhet t?i sjellë ajo.

?Ne i mbaruam detyrimet tona si opozitë, më 5 qershor i nënshkruam, i dakordësuam ato. Sot administrata publike është totalisht e inkriminuar dhe e politizuar.

Këtu duhet marrë në diskutim shkalla e inteligjencës së personave që thonë që: për ndryshimet kushtetuese që kam bërë unë, më sill ti draftin. Po a duhet ta sillte mazhoranca draftin për ndryshimet kushtetuese, sepse ne si opozitë nuk kemi ndonjë ndryshim kushtetues.

Ne sot do të shkonim sepse Partia Socialiste do të na thoshte çfarë ka propozuar ajo me ndryshimet kushtetuese që ka bërë, si do të reflektohen ato në Kodin Zgjedhor dhe mbi bazë të draftit që do të propozojë ai?, deklaroi Kryemadhi në Syri Tv.

Më tej, ajo deklaroi se: ?Në Kodin Zgjedhor duhet të përfshihet edhe letra e ambasadores amerikane për kandidatët problematikë. Të vendoset një pikë në Kodin Zgjedhor. Problemet me listat nuk i kemi pasur ne, i ka Edi Rama?./ CNA.al





Lajmet e fundit nga