Qeveri e lodhur/ Rama tërheq zvarrë një karvan "të vdekur"

12 Shtator 2020, 10:32, Politikë CNA

Thjeshtë qeveri e lodhur, do të mjaftonte për atë që po tregon ditë pas dite qeveria ?Rama?. Duke lënë mënjeanë çdo akuzë korrupsionesh e skandale pa fund që e kanë ndjekur nga pas në këto shtatë vite.

Katër vite me LSI-në me hajdutëri dhe skandale pa fund, dhe së fundmi e vetme në tre vite, ku e kanë shoqëruar bëma dhe gjëma, si tërmeti i 26 nëntorit dhe pandemia. Dy katastrofa natyrore të dhimbshme për Shqipërinë, por me përgjegjësi të mëdha për qeverinë, e cila tani duket mjaft e lodhur.

Nuk ke çfarë t?i thuash një qeverie, kur në kulmin e pandemisë ?kapterr? Sandër Lleshaj në krye të ministrisë së Brendshme, ble një mjet luksoz që do të ishte me vlerën e të paktën gjashtë respiratorëve, apo do të vlente si vlerë për të ndërtuar katër apo pesë shtëpi, sipas vlerave të nxjerra nga vetë shteti për tërmetin. Ministri duket i lodhur, i duhej një mjet luksoz.

E çmund të flasësh më tej për Besa Shahinin e Arsimit, e cila tha publikisht se ishte gati duke ikur, deri në fund të mandatit. Në fakt Besa do të bënte mirë të kishte ikur një orë e më parë, ose mos ta kishte pranuar hiç atë post.

Nuk ka asnjë sukses, ka vetëm dështime, është ndoshta më e re në moshë se Sandër Lleshaj por duket më e lodhur nga të gjitha anët. Ministri nuk mund të jetë i suskesshëm vetëm sepse duhet të vendoset në atë post si përdorim në emër të flamurit të patriotizmit dhe bashkimit të kombit.

Disa orë pas marrëveshjes Kosovë-Serbi, ?zgjohet? Gent Cakaj Por, në fakt është një dështim dhe jep një hiç. Dhe për më tepër lodhet edhe duke ndenjur në zyrën e ministrit.

Pa folur më tej për të Jashtmin Gent Cakaj, një tjetër ministër që nuk e di pse është në atë qeveri. Megjithëse ka mrekulluar Ramën me leximet e tij, duket më i lodhur se Besa dhe Sandri të marrë bashkë.

Më tej, askush nuk e di të na thotë se çfarë bën ditë e natë Pandi Majko, i cili nuk hap gojën kur duhet të flaës, sepse gjithmonë i ndodh nga një operacion. Ndoshta e kanë lodhur këto operacionet në gojë, hallet e Rilindjen dhe të qënit ministër kot së koti. Majko përshëndet marrëveshjen në Maqedoninë e Veriut/ Shpresë për drejtimin e shqiptarëve

Eduard Shalsi, një tjetër ministër. Njeriu i profecisë që ka dhënë në opozitë, se socialistët do të vidhnin ndryshe. Dhe kështu ndodhi. Ai nuk gënjeu. Edhe ky nuk e di pse është ministër apo çfarë bën. Por, gjithësesi duket në gjumë.

Ashtu si kolegia e tij Elisa Spiropali, që përpiqet të zgjohet, të çirret e të grindet, por cili është pozicioni i saj në ministri dhe sa e lodhur është ?Elisa e shkretë?, e këputur nga Rilindja dhe të mbajë moralin lart shpirti i saj e di.

Do të mjaftonin këta personazhe që përmendëm më sipër, që janë gati gjysma e qeverisë për të kuptuar se ku është pjesa tjetër.

Nuk ka nevojë t?i bësh analizë pjesës tjetër të kabinetit. Qoftë të Drejtësisë, qoftë të Infrastrukturës, qoftë Financave, qoftë Shëndetësisë, duke u mjaftuar me ata më lart, se pjesa tjetër, jo se janë më pak të lodhur. Por, ata më sipër janë fare të këputur. Të tjerët janë jo më keq se ritmi i tyre, se ritmi i vetë kryeministrit që përpiqet të tërheqë zvarë një “karvan me kuaj” thuajse të ngordhur që mezi hedhin këmbët, e jo më të shkojnë në krye të rrugës.

Përpiqet Rama i shkretë ti tërheqë, përpiqet t?i tregojë se vetë nuk është i lodhur, por në fakt është më i këputuri nga të gjithë. Nga skandalet, korrupsioni, bëmat dhe gjëmat e një pushteti dhe qeverie thuajse të kalbur të këtyre shtetë viteve, të Rilindjes. Ku gjysmën e pati ?sukses? me LSI-në, dhe tani po ?shkëlqen? e vetme./ CNA.al