web counter
LEXO PA REKLAMA!

SHKARKO APP

App Store
Google Play

‘’Më nxirrni vetëm një’’/ Bardhi i kthehet Braçes: Formularët janë shpërndarë nga PS dhe ti e di mirë!

11 Shtator 2020, 20:23, Politikë CNA

Sekretari i Përgjithshëm i PD, Gazmend bardhi I është përgjigjur zëvendëskryeministrit Erion Braçe pasi ky i fundit sfidoi Bashën për t?i nxjerrë vetëm një rast në administratën publike që është shantazhuar për t?u angazhuar me PS apo i është dorëzuar formulari.

Bardhi i kërkon Braçes mos fyejë shqiptarët, pasi sipas tij, ata e kanë parë mirë në dosjet 194 dhe 339 se si administrata dhe mësuesit shantazhohen për të votuar PS.

Po ashtu Bardhi shprehet i bindur se formlari është shpërndarë nga PS, dhe Erion Braçe e di mirë këtë gjë.
Por Bardhi e siguron Braçen se PD është e vendosur të përballë këdo me ligjin për çdo shkelje, dhe kërkon një hetim serioz që tani për të zbuluar kupolën e PS.

?Erion Braçe të mos fyejë shqiptarët, se nuk i hanë më mashtrimet bajate! Ata i kanë parë erionbraçet e PS në dosjen 184 dhe 339 duke shantazhuar administratën dhe mësuesit për të votuar PS. Formulari është shpërndarë nga PS dhe këtë Erion Braçe e di shumë mirë. Po aq mirë e dinë punonjësit e ndershëm të administratës publike që sot ndjejnë mbi kurriz presionin e bandës në pushtet.
Presioni ndaj administratës për të favorizuar në zgjedhje partinë në pushtet, është vepër penale. Erjon Braçe dhe kushdo tjetër bën mirë ta mësojë këtë! PD është e vendosur të përballë këdo me ligjin për çdo shkelje.
Një hetim serioz, duhet të nisë që tani, për të zbuluar kupolën e PS, të përfshirë në shkelje ligji, jo vetëm me presionin ndaj administratës, por edhe për pazaret e dëshpëruara me bandat! Dhe meqë jemi tek pazaret me bandat: Erion Braçe bën mirë të flasë për firmën e tij në projektin e rikthimit të kumarit në rrugët dhe kullat qendrore të Tiranës?, shkruan Bardhi./CNA.al





Lajmet e fundit nga