web counter
LEXO PA REKLAMA!

SHKARKO APP

App Store
Google Play

E fundit!

x

Dy simptomat që do t’ju ndihmojnë të dalloni koronavirusin nga gripi i zakonshëm

10 Shtator 2020, 06:30, Lifestyle CNA

Ekspertët e shëndetit na kanë paralajmëruar mbi rreziqet e konvergjencës së gripit të zakonshëm dhe koronavirusit të ri gjatë sezonit të vjeshtës së dimrit, duke thënë se pandemia Covid-19 duhet të vihet nën kontroll para se gripi të fillojë të infektojë njerëzit në këtë periudhë.

Disa i referohen kësaj konvergjence si ?twindemic?, një epidemi e dyfishtë që mund të prekë një komunitet të tërë. Duke qenë se koronavirusi i ri është më infektues nga të dy, sa më  rëndë të jetë një epidemi lokale e Covid-19, aq më e rëndë mund të jetë edhe ?epidemia e dyfishtë?.

Spitalet mund ta kenë shumë më të vështirë trajtimin e dy llojeve të pacientëve, dhe mund të ketë njerëz që mund të preken nga të dy patogjenët njëkohësisht. Sezonet e ardhshme të vjeshtës dhe dimrit, mund të na tregojnë se çfarë mund të bëjë ky infeksion i dyfishtë në trup.

Por fakti që bota do të duhet të përballet me dy viruse të dallueshme në muajt e ardhshëm, nuk është qetësues. Si koronavirusi dhe gripi i zakonshëm ndajnë shumë simptoma të njëjta, duke e bërë gati të pamundur për mjekët dhe pacientët që të tregojnë se cili është problemi themelor pa u testuar më parë.

Dhe pacientët do të duhet t?i nënshtrohen testeve të gripit dhe Covid-19, megjithëse një test i tillë i dyfishë mund të jetë së shpejti në dispozicion. Duke pasur parasysh këtë, ekzistojnë dy simptoma të cilave duhet t?u kushtoni vëmendje, pasi ato mund t?ju ??ndihmojnë të bëni dallimin midis gripit të zakonshëm dhe Covid-19, për të marrë sa më shpejt masat e duhura, pas edhe para se të bëni testin.

?Ne do të jemi krejtësisht të çoroditur?- thotë epidemiologu i Shkollës së Shëndetit Publik të Universitetit të Miçiganit, Arnold Monto. Monto vuri në dukje një shenjë dalluese ë Covid-19 që cilido mund ta vëreje edhe para se të bëjë testin për Covid-19.

Kjo është humbja e papritur e nuhatjes dhe shijes, e cila është vërejtur gjithnjë e më shumë tek pacientët me Covid-19. Por jo të gjithë ata njerëz që janë të infektuar me koronavirusin e ri do ta kenë këtë simptomë. ?The Washington Post? vëren se një studim i fundit nga Evropa tregoi se 85 për qind e 417 njerëzve me raste të lehta deri të moderuara të Covid-19 raportuan simptoma.

Ndërkohë, edhe gripi apo e ftohura e zakonshme mund të çojnë në një humbje të përkohshme të nuhatjes. Por koronavirusi mund të çojë në një përvojë më të papritur dhe të thellë të humbjes së nuhatjes, që ndikon edhe në aftësinë për të bërë dallimin midis të ëmblës dhe të hidhurës.

Gjithashtu, mund të ndodhë në rastet me Covid-19 që mos të përjetojnë bllokimin e hundëve. Eksperti i Universitetit të Anglisë Lindore Karl Filpot kreu një studim të kufizuar, duke testuar për nuhatje 30 persona në përputhje me moshën dhe gjininë.

Një e treta e tyre ishin prekur nga Covid-19, 10 ishin me ftohje të rëndë dhe 10 të tjerë shërbyen si grup kontrolli. Mjeku tha se njerëzit që mund të dyshojnë se janë prekur nga Covid-19 mund ta verifikojnë vetë këtë në shtëpi, duke nuhatur produkte si kafja dhe portokalli.

Ekziston edhe një tjetër simptomë e Covid-19, që mund t?ju tregojë se nuk është gripi ai që po shkakton probleme shëndetësore – ose të paktën jo vetëm gripi i zakonshëm. Kjo është dispnea, apo vështirësia në frymëmarrje. Humbja e nuhatjes dhe dispnea, janë aktualisht dy simptomat që nuk janë të zakonshme tek gripi.

Sipas një studimi më të fundit, gjysma e pacientëve me simptoma të rënda të sëmundjes, mund të zhvillojnë dispnea rreth një javë pas shfaqjes së simptomave. Simptoma tregon një problem serioz me frymëmarrjen, që mund të ketë nevojë për terapi me aparat oksigjeni, apo edhe madje një ventilator.

Përpara këtij momenti, ju duhet të kontrolloni frekuencën e frymëmarrjes, dhe të shihni nëse ka një normë më të lartë se e zakonshmja, që është ndërmjet 12 dhe 16 frymëmarrjeve në minutë. Gjithashtu, duhet të merrni në konsideratë edhe blerjen e një pajisjeje të quajtur oksimetër në shtëpi, të cilin duhet të filloni ta përdorni sapo të shfaqen simptomat që tregojnë një ftohje të zakonshme, grip apo Covid-19.

Pasi të fillojë zbulimin e vlerave anormale, duhet të kontaktoni menjëherë me mjekun tuaj. Leximet normale duhet të jenë midis 94 dhe 100 për qind, gjithçka më pak se sa kaq, bën që ju mund të nisni të përjetoni shenjat e para të hipoksemisë, pasi nëpër arteriet tuaja nuk kalon mjaftueshëm oksigjen.

Në mënyrë tipike, problemet me frymëmarrjes nuk do të vijnë vetëm. Ju do të përjetoni simptoma të tjera të zakonshme me gripin dhe koronavirusin e ri. Lista mund të përfshijë ethe dhe të dridhura, kollitje, dhimbje trupi, lodhje, të vjella dhe diarre.

Gjithsesi, jo të gjithë pacientët me Covid-19 do të zhvillojnë të njëjtat simptoma. Dhe mund të ketë raste kur njerëzit nuk kanë humbje të nuhatjes apo dispnea. Ata mund të infektohen me koronavirusin e ri, dhe jo nga një lloj gripi.

Sapo të shfaqen simptomat, duhet t?ju shkojë mendja së pari tek Covid-19 dhe të mendoni se mund të jeni prekur. Në këtë mënyrë, ju mund të izoloni veten nga njerëzit e tjerë dhe të ruani distancën sociale kur duhet që të dilni jashtë.

Ndërkohë duhet të vishni një maskë fytyre në çdo kohë, edhe kur jeni në shtëpi, për të zvogëluar rrezikun e transmetimit të virusit tek anëtarët e tjerë të familjes. Testimi për gripin dhe Covid-19 duhet të jetë më pas një përparësi, veçanërisht nëse simptomat përkeqësohen./bgr.com/Përshtatur nga CNA.al





Lajmet e fundit nga