E fundit!

22:38 Aktualitet

Protestojnë prej 26 ditësh/ Qytetarët vijojnë marshimin në rrugët e Tiranës

Prej më shumë se 1 ore, protestuesit vijojnë marshimin në ...

Merr fund “Keeping Up With The Kardashians”

9 Shtator 2020, 11:45, Lifestyle CNA

Reality show ?Keeping Up With The Kardashians? i cili kishte të bëntë me familjen Kardashian po përfundon. Këtë njoftim e ka bërë vetë Kim Kardashian West.

? Ne kemi marrë vendimin e vështirë si familje për t’i thënë lamtumirë Keeping Up With The Kardashians,” tha ajo në një deklaratë të postuar në Twitter.

Shfaqja ka zgjatur për 14 vjet dhe ka bërë mega-yje globale të gjithë familjen Kardashian.

Sezoni i fundit, i 21-ti, do të transmetohet në fillim të vitit 2021.

Duke shprehur falënderimet e saj për “mijëra individë dhe biznese” të përfshirë në program, Kim gjithashtu shtoi: “Unë jam jashtëzakonisht mirënjohëse për të gjithë që kanë shikuar dhe mbështetur mua dhe familjen time këto 14 vitet e fundit të pabesueshme”.

“Kjo shfaqje na bëri atë që jemi dhe unë do të jem gjithnjë në borxh ndaj gjithsecilit që luajti një rol në formimin e karrierës sonë dhe ndryshimin e jetës sonë përgjithmonë,” vazhdoi ajo.

Kim, 39 vjeç, është bërë një nga gratë më të famshme në botë, me qindra miliona ndjekës të mediave sociale dhe një biznes të lulëzuar të bukurisë. Ajo u martua me reperin Kanye West në 2014, me të cilin ka tre fëmijë dhe një vlerë neto të përbashkët me më shumë se një miliard dollarë. Ajo kohët e fundit foli për çështjet e shëndetit mendor të burrit të saj pas një serie deklaratash të çrregullta nga ai ndërsa ai u përfol lidhur me kandidimin e tij për presidencën e SHBA-së.

Kendall dhe Kylie Jenner ishin fëmijë kur filloi shfaqja për herë të parë në 2007, por u bënë yje më vete, dhe tani – në moshën 24 dhe 23 vjeç – janë ndër ndikuesit më të rëndësishëm në botë. Kylie Jenner në vitin 2019 u emërua nga revista Forbes si miliarderja më e re e bërë vetë në të gjitha kohërat falë biznesit të saj jashtëzakonisht të njohur të kozmetikës.

Pasi u bë i njohur lajmi për përfundimin e shfaqjes, Khloe Kardashian shkroi në Twitter: “Emocionet janë tejmbushur sot … ndryshimi është i vështirë por ndonjëherë i nevojshëm”.

Një zëdhënës I tyre tha në një deklaratë për CNN se: “Ka qenë një privilegj absolut dhe do të na mungojnë me gjithë zemër, por ne respektojmë vendimin e familjes për të jetuar jetën e tyre pa kamera”./CNA.al