E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm Besfort Lamallari ka zbarkuar në Drej...

“Perimetri” mbush burgjet/ Saimir Vishaj jep alarmin: Dënimi që rrezikojnë, pse duhet të ndërhyjë shteti

8 Shtator 2020, 11:32, Sociale CNA

Një numër i madh personash janë arrestuar prej disa kohësh nga policia, në kuadër të operacionit të koduar ?Perimetri?.

Personat e arrestuar akuzohen për dhënie ndihmë shtetasve të huaj, për kalim të paligjshëm të kufirit, kundrejt shpërblimit.

Deri tani në kuadër të këtij operacioni janë arrestuar 106 persona, janë ndaluar 4 të tjerë. Gjithashtu 18 persona po ndiqen në gjendje të lirë dhe katër janë shpallur në kërkim.

Në lidhje me këtë situatë, ka reaguar edhe avokati i njohur Saimir Vishaj, i cili në një prononcim për CNA.al shprehu shqetësimin për mbushjen e burgjeve.

Po ashtu ai theksoi se edhe pse në pamje të parë duket si një vepër e lehtë penale, në fakt personat e arrestuar rrezikojnë minimumi 5 vite burg.

Më tej, Vishaj theksoi se është shteti ai që duhet të ndërhyjë, dhe të bëjë strehimin e këtyre personave, të cilët janë refugjatë.

?Kohët e fundit disa grupe kryejnë transportin e refugjatëve me taksi ose mjete të tjera private nga Devolli, nga Kakavija, aty ku lehtësisht qytetarët e vendeve të treta, si Irani, Iraku, Afganistani dhe Siria, kërkojnë të hyjnë në një nga vendet e BE-së, kalojnë nëpërmjet territorit të Republikës së Shqipërisë.

Më vjen keq se janë dhjetëra të arrestuar. Në pamje të jashtme duket sikur është një vepër penale e lehtë, por këtë duhej ta bënte shteti shqiptar, për sistemimin e të gjithë refugjatëve në Shqipëri. Sepse në fund fare ata janë refugjatë, por atë që nuk bën shteti, po e bën vetë individi.

Në pamje të parë duket një vepër e lehtë penale, por minimumi i dënimit është 5 vite burg.

Pra, nëse deri dje mbusheshin burgjet me persona të ndaluar për kanabis sativa, sot po i mbushin burgjet me persona të akuzuar ?për dhënie ndihmë për kalim të paligjshëm?.

Në vështrimin juridik nuk mund të kesh një transport të paligjshëm brenda vendit, sepse për dhënie ndihmë duhet që ti transportosh ata përtej kufirit.

Ndërkohë, që nga Korça deri në Tiranë, nuk ka vepër penale. Ose nga Vlora deri në Shkodër, nuk ka vepër penale.

Vepra penale fillon kur tenton të kalosh jashtë territorit të Republikës. Deri në dhjetor të vitit 2019, kjo vepër penale ndiqej si trafikim nga SPAK, ose ish-Gjykata e Krimeve të rënda, ku përveç ?dhënies ndihmë?, ishte edhe ?Grup i strukturuar kriminal?.

Sot janë Gjykata dhe Prokuroritë e rretheve Korçë, Gjirokastër, Vlorë, Shkodër, Kukësi, të cilat i ndjekin, por ka një marzh nga pesë deri në 10 vite burgim.?-tha avokati Saimir Visha, për CNA.al