Revolucioni, ja si ka ndryshuar Tirana brenda 1 viti

4 Shtator 2020, 07:46, Sport CNA

Transformim total i Tiranës kampione. Nga gushti në gusht, skuadra bardheblu që doli kampione ka ndryshuar rrënjësisht. Janë larguar mbi 11 lojtarë, më saktë 11 titullarë, ndërsa në Champions ia doli të kualifikohej me lojtarët bazë. Gjithsesi, ndryshimi është i dukshëm për vetë faktin që bardheblutë nga 11-shja e sezonit të shkuar ka shumë ndryshme në emra dhe moshë.

REPARTET ? Tirana ka ndryshuar rrënjësisht tri pozicione në fushën e lojës. Bëhet fjalë për krahun e djathtë, qendrën e mbrojtjes dhe qendërsulmuesin. Kështu, Doka ka ikur në Kroaci, Kërçiku iku në dhjetor dhe Tirana në sezonin e ri ka marrë Toshevskin e Nuriun së bashku me Tolin. Në qendrën e mbrojtjes luan Najdovski si titullar, ndërsa Muça është ulur në stol. Tefik Osmani është larguar nga futbolli, ndërsa Sidibe është bashkuar me Besëlidhjen. Si mbrojtësi i djathtë dhe mbrojtësi qendror kanë ndryshuar rrënjësisht. Ka ndryshuar rrënjësisht edhe qendra e sulmit, me Dungën dhe Ngonë që janë larguar. Tani i është lënë në dorë Muçit dhe Avdijajt.

REZERVAT ? Të gjithë lojtarët rezervë të Tiranës pothuajse kanë lënë skuadrën. Bardheblutë, veç treshes Muça, Ismajlgeci dhe Halili që normalisht konsiderohen titullarë dhe mund të luajnë në çdo moment, pjesën tjetër e kanë lojtarë të rinj. Madje, që nga porta dhe deri në sulm. Një ndryshim shumë i madh për bardheblutë.

MOSHA ? Sezonin e shkuar bardheblutë kishin një mesatare prej 25.42 vitesh. Tirana ishte një nga skuadrat me moshë të lartë, por ardhja e të rinjve si dhe afrimi i katër afrikanëve ka ulur moshën mesatare që tani është 24.92, madje kjo moshë mund të ulet edhe më shumë, nëse do të ketë lëvizje të tjera në ekip.

STATISTIKAT ? Tirana ka larguar këtë sezon të paktën tre lojtarë që së bashku kanë shënuar jo pak. Janë 24 gola të Ngosë, Hasanit e Dungës nga 67 që shënoi Tirana gjatë gjithë sezonit që nuk do të jenë më. Muçi dhe Avdijaj ende nuk kanë shënuar me bardheblutë. Skuadrës i janë larguar edhe 20 asiste të dhëna nga Ngo si një nga më të mirët në këtë rol te bardheblutë./Panorama Sport