web counter
LEXO PA REKLAMA!

SHKARKO APP

App Store
Google Play

Vetëvrasja e pacientëve te Covid-2/ Ish deputeti ngre akuza të forta: S’mund të anashkalohet me justifikime

3 Shtator 2020, 10:50, Politikë CNA

Pas ngjarjes së rëndë që ndodhi mbrëmjen e djeshme në spitalin ?Shefqet Ndroqi? ku një tjetër pacient me Covid i dha fund jetës duke u vetëhedhur nga kati i katërt, ka ardhur edhe reagimi i ish deputetit të PD-së Bardh Spahia.

Ai ngre akuza ndaj qeverisë që i ka lënë të dy spitalet Covid pa psikolog. Sipas tij, drejtori i spitalit e Ministria e Shëndetësisë duhet të mendonin për situatën e pacientëve dhe të merrnin masat përkatëse për të trajtuar anën psikologjike të pacientëve.

?Ende nuk ka një reagim nga spitali ?Shefqet Ndroqi? për 65 vjecarin me Covid-19, që i dha fund jetës duke u hedhur nga kati i katërt i spitalit! Rasti i dytë në më pak se tre javë, duhet të sjellë një impenjim serioz të autoriteteve dhe një plan konkret për të trajtuar, edhe një rëndim të gjendjes psikologjike për shkak të izolimit e vështirësisë së sëmundjes! Me probleme paraprake apo jo, fakt është që një 29 vjecar dhe një 65 vjecar zgjodhën t?i japin fund jetës, në vend të kurimit mjekësor! Drejtori i spitalit e ministria e shëndetësisë duhet të mendonin për situatën e pacientëve dhe të merrnin masat përkatëse për të trajtuar anën psikologjike të pacientëve! Asnjëri nga dy spitalet Covid nuk ka psikolog! Kjo situatë nuk mund të anashkalohet me justifikimin, se pacientët që i dhanë fund jetës kishin probleme paraprakisht! Kujdesi për shëndetin mendor ndaj pacientëve të tillë ka munguar krejtësisht!
Edhe sa pacientë me Covid-19 duhet të humbin jetën që qeveria të reagojë duke marrë masa konkrete?”/CNA.al





Lajmet e fundit nga