web counter
LEXO PA REKLAMA!

SHKARKO APP

App Store
Google Play

Korrupsioni dhe kapja e shtetit rrezikojnë financimet e BE për Shqipërinë/ Duka: Këmbanë alarmi për Ramën

3 Shtator 2020, 10:17, Politikë CNA

Partia Agrare Ambientaliste deklaron se BE mund të bllokojë financimet e saj për vendet ku sundojnë liderë autoritarian dhe demokracia është jo funksionale.

Në një deklaratë për mediat, PAA thekson se dhunimi i të drejtave demokratike, mos-respektimi i shtetit ligjor, keq-qeverisja, korrupsioni dhe kapja e shtetit nuk do të tolerohen më nga BE.

Sipas PAA, qeveritë jo demokratike, qeveritë që shkelin të drejtat themelore ku e drejta për zgjedhje të lira dhe të ndershme është A-ja e demokracisë nuk do të mbështeten me financime nga BE.

?Ky paralajmërim duhet të jetë një këmbanë për Ramën i cili qeveris me mentalitet arrogant ndërsa qeveria e tij rezulton e pa ditur, e pa përgjegjshme, arrogante dhe e babëzitur.

Pak ditë më parë shumë europarlamentarë ju drejtuan me një kërkesë publike znj. Ursula von der Leyen, presidente e Komisionit Europian të BE-së dhe Kancelares Merkel si Kryetare e Këshillit Europian.

Kërkesa e euro-parlamentarëve thekson se ?Ka ardhur koha për të rritur luftën kundër erozionit të demokracisë, sundimit të ligjit dhe të të drejtave themelore në zemër të BE-së?, thanë drejtuesit e partive të PPE, socialdemokratëve, liberalëve dhe të të Gjelbërve në Parlamentin Europian.?-thuhet në deklaratë.





Lajmet e fundit nga