E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Bilanci i rindërtimit/ Ahmetaj: Brenda vitit shumë banorë do futen në banesa të reja

1 Shtator 2020, 09:45, Sociale CNA

Ministri për Rindërtimin, Arben Ahmetaj tha se procesi i rindërtimit po ecën me hapa të kënaqshëm, ndërsa shtoi se vonesat e deritanishme lidhen edhe me situatën e krijuar për shkak të pandemisë.

Sipas Ahmetaj, vendi ynë ndryshe edhe nga vende shumë më të zhvilluara siç është Italia, është duke zbatuar një formulë unike dhe sociale, që është ajo e rindërtimi nga e para dhe pajisja e personave të dëmtuar nga tërmeti me banesa krejtësisht të reja.

Teksa i cilësoi vonesat e deritanishme si procedura, Ahmetaj tha në një intervistë për Euronews Albania se në Thumanë aktualisht është duke u punuar me infrastrukturën dhe në javën e parë të tetorit nis ndërtimi i pallateve.

?Ju referuat Laçit, nga premtimi në shkurt deri tani nuk janë 9 muaj dhe mes gjithë këtij premtimi dhe punë së bërë deri që është gjigante është pandemia. Sot kompania turke po punon në Laç për hapjen e themeleve. Familja që juve ju referuat në Thumanë përfiton bonus qiraje.

Thumana ka tre sajte; 1 i kombinuar me shtëpi individuale dhe pallate, një sajt është infrastrukturë për të aksesuar sajtet dhe tjetri pallatet. Pallatet fillojnë në fund të shtatorit ose në fillim të tetorit.

Është dashur kohë e gjatë për projektet dhe planet, por janë realizuar në kohë rekord.

Janë katër programe të avancuara:

Programi i parë i shtëpive individuale, që janë në proces rindërtimi. Brenda këtij viti do të këte një numër të madh shtëpish ku qytetarët do festojnë vitin e ri. Asnjëri nuk ka arritur të ndërtojë shtëpi në 25 ditë dhe cilësore.

Programi i dytë është programi i granteve, janë shpërndarë deri tani 86 mln dollarë kesh për familjet me dëmtime.

Programi i tretë është infrastruktura. Ju referuar Thumanës, por në Thumanë nuk mund të ketë pallate pa u ndërtuar infrastruktura. Nuk bëhet fjalë për vonesë, por procedura e ndjekur deri tani.

Programi i shkollave, jemi duke ndërtuar në katin e tretë në shumë shkolla, pra janë në fazën e fundit të zhvillimit.

38 shkolla do të ndërtohen nga fondi i zhvillimi, 38 shkolla nga bashkia e Tiranës?, u shpreh ministri Ahmetaj.

Ahmetaj sqaroi se janë rreth 3400 shtëpi individuale për t?u rindërtuar, nga të cilat rreth 700 përfundojnë brenda këtij viti.

?Në proces janë 887 në Tiranë për t?u rindërtuar nga të cilët 300 janë në proces rindërtimi.

Nga fondi shqiptar i Zhvillimit do të ndërtohet 2400 njësi nga të cilat 2 lote 676 në Shijak, Kavajë që jaën në proces rindërtimi.

Loti me 700 njësi mbyllet këtë javë dhe është ende në proces prokurimi. pra janë 3400 njësi individuale, një pjesë e mirë e 700-s mbyllet brenda këtij viti. Koha është nga 4 muaj në 5,5 muaj për të ndërtuar gjithë lotët?, sqaroi s. Ahmetaj.

I pyetur lidhur me faktin nëse vendi ynë i ka përfituar fondet e fituara gjatë Konferencës së Donatorëve në ndihmë të banorëve të prekur nga tërmeti, ministri Ahmetaj tha se të gjitha të gjitha donacionet, përveç Greqisë me të cilën siç shpjegoi janë ende të bisedime, janë në proces.