web counter
LEXO PA REKLAMA!

SHKARKO APP

App Store
Google Play

Takimi në Uashington/ Hoti: Vetëm njohja reciproke i normalizon marrëdhëniet me Serbinë

29 Gusht 2020, 19:58, Kosova & Bota CNA

Kryeministri i Kosovës, Avdullah Hoti, ka reaguar pas deklaratave te presidentit serb aleksandër Vuçiç dhe ka thënë se  vetëm njohja reciproke në mes të Kosovës dhe Serbisë, i normalizon marrëdhëniet në mes të dy vendeve.

Nëpërmjet një postimi në rrjetet sociale, Hoti tha se njohja reciproke është tema e vetme që diskutohet, pa cënuar integritetin territorial të Kosovës.

?Vetëm njohja reciproke në mes të Kosovës dhe Serbisë i normalizon marrëdhëniet në mes të dy vendeve dhe e qetëson këtë pjesë të Ballkanit dhe Evropës.

Në çfarëdo takimi që kam pasur dhe do të kem me përfaqësuesit e Serbisë, njohja reciproke është tema e vetme. Çdo gjë që bisedohet me ta është në funksion të arritjes së marrëveshjes për njohje reciproke, pa cenuar integritetin teritorial apo karakterin unitar të shtetit të Kosovës.

Kosova mbetet e përkushtuar për dialog, sepse është vend evropian, me orientim të qartë euro-atlantik. Nisur nga kjo qartësi e plotë e procesit, unë nuk do të hezitoj të dialogojmë.

Prandaj, i ftoj forcat politike në Kosovës, pozitë dhe opozitë, të jemi të unifikuar në këtë proces. Gara politike në mes nesh, që duhet të jetë demokratike dhe mbi baza të kushtetutës, mund dhe duhet të zhvillohet për tema të tjera të politikës, ekonomisë, arsimit, shëndetësisë dhe fushave të tjera”, theksoi kryeministri i Kosovës.

Ndërkohë, kujtojmë se përfaqësuesit e Kosovës dhe Serbisë pritet të takohen më 4 shtator në Uashington. Vuçiç, ka paralajmëruar se pret negociata të vështira dhe befasi nga ky takim./ CNA.al





Lajmet e fundit nga