web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen detajet e ngjarjes së rëndë në Shkodër/ Identifikohet autori

26 Gusht 2020, 07:24, Kronika CNA

Policia e Shkodrës ka zbardhur të tjera detaje në lidhje me ngjarjen e rëndë të pasdites së djeshme, ku mbeten të plagosur shtetasit Erison Gjeka dhe Ndue Pali.

Mësohet se Policia e Shkodrës ka identifikuar dhe shpallur në kërkim autorin e dyshuar të ngjarjes, i cili është Enton Dushaj.

?Nga strukturat e DVP Shkodër në bashkëpunim me Prokurorinë e Rrethit Gjyqësor Shkodër, falë reagimit të shpejtë dhe si rezultat i veprimeve të shpejta hetimore në lidhje me ngjarjen e ndodhur mbrëmjen e datës 25.08.2020, u bë e mundur zbardhja e ngjarjes, identifikimi dhe shpallja në kërkim e autorit të dyshuar, shtetasit E. D., 35 vjeç, banues në lagjen Skënderbeg, Shkodër.

Ky shtetas gjatë një konflikti të çastit, ka qëlluar me armë zjarri duke i plagosur në këmbë, shtetasit E. Gj., 24 vjeç, banues në fshatin Bradhaj, Shkodër, dhe N. M., 24 vjeç, banues në Shkodër, të cilët pas mjekimit të marrë në Spitalin Rajonal Shkodër janë larguar për në banesë.

Materialet iu referuan Prokurorisë së Rrethit Gjyqësor Shkodër për veprat penale ?Plagosja e lehtë me dashje? dhe ?Armëmbajtja pa leje?.-thuhet në njoftimin e policisë.





Lajmet e fundit nga