web counter
LEXO PA REKLAMA!

SHKARKO APP

App Store
Google Play

12 orë kontroll me radar dhe dron/ Policia “me dorë të hekurt” ndaj shoferëve

25 Gusht 2020, 18:43, Kronika CNA

Njësia Operacionale e Drejtorisë së Policisë Rrugore, gjatë gjithë ditës së sotme ka vijuar kontrollet me radar dhe dron në autostradën Durrës -Rrogozhinë dhe në aksin rrugor Elbasan-Peqin, për të parandaluar shpejtësinë tej normave të lejuara dhe parakalimet e gabuara, të cilat janë rrezik potencial për aksidente rrugore.

“Gjatë 12 orëve kontrollet në këto akse rrugore janë konstatuar shpejtësi tej normave të lejuara, shpejtësi që varionin nga 30 deri në 50 km/h në kulmin e trafikut.

Nga Njësia Operacionale e Policisë Rrugore, prej mëngjesit të sotëm deri tani janë tërhequr 21 leje drejtimi për shpejtësi mbi normën e lejuar.

Janë vendosur 75 masa administrative për parakalime të gabuara dhe manovra të rrezikshme në rrugë.

5 masa maksimale me vlerë 30 mijë lekë të reja pasi drejtuesit e mjeteve ishin shtetas të huaj.

31 masa për mosvendosje të rripit të sigurimit, 39 për përdorim të celularit, 23 për mos vendosje të kaskës mbrojtëse.

Të fluturosh dhe jo të drejtosh mjetin në rrugë më e pakta të çon tek Polici dhe radari dhe në destinacion do shkoni pa patentë, e në rastin më të keq aksidenti ju pret apo me keq akoma patenta shkon në shtëpi pa ju.

Drejtues mjetesh, qarkulloni brenda limiteve të lejuara që destinacioni juaj të jetë i sigurt, mos fluturoni se shpejtësia vret jetë”, thuhet në njoftimin e policisë./CNA.al





Lajmet e fundit nga