web counter
LEXO PA REKLAMA!

SHKARKO APP

App Store
Google Play

E fundit!

x

Goditet transporti i paligjshëm në Korçë/ Arrestohet 37-vjeçari i shpallur në kërkim

26 Gusht 2020, 09:04, Kronika CNA

Goditet një tjetër rast i veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit kundrejt fitimit, me qëllim dërgimin e tyre drejt vendeve të BE-së.

Blutë bëjnë me dije se kanë vënë në pranga një person të shpallur më parë në kërkim me iniciale V.Sh., 37 vjeç, banues në Tiranë.

Forcat e Policisë, kishin siguruar informacione sipas të cilave, 37-vjeçari transportonte kundrejt fitimit emigrantë të paligjshëm dhe më datë 23.08.2020, e kanë lokalizuar këtë të fundit në fshatin Cangonj, Devoll, duke drejtuar mjetin tip ?Ford? dhe janë vënë në ndjekje të tij ku i kanë bërë me shenjë të ndalonte, por 37-vjeçari nuk iu bind urdhrit të tyre, braktisi mjetin dhe u largua me shpejtësi. Gjatë kontrollit në brendësi të mjetit, u gjetën 12 emigrantë të paligjshëm, të cilëve V. Sh., kundrejt fitimit prej 100 euro secilit, iu kishte premtuar kalimin drejt vendeve të BE-së.

Më pas shtetasi i mësipërm, është paraqitur në Komisariatin e Policisë nr.3, Tiranë, duke bërë kallëzim të rremë pranë organeve të rendit, se i kishin vjedhur mjetin tip ?Ford?, që ky shtetas kishte marrë me qira.

Ndërkaq, materialet i kaluan Prokurorisë të Rrethit Gjyqësor Korçë për veprat penale ?Ndihma për kalim të paligjshëm të kufijve, kryer në bashkëpunim?, ?Mosbindja ndaj urdhrit të punonjësit të policisë së rendit publik?, ?Kallëzimi i rremë?./ CNA.al





Lajmet e fundit nga