web counter
LEXO PA REKLAMA!

SHKARKO APP

E fundit!

x

Koalicioni Zaev-Ahmeti/ Rama: Ditë e shënuar për shqiptarët e Maqedonisë së Veriut

18 Gusht 2020, 15:56, Politikë CNA

Kryeministri Edi Rama ka përshëndetur marrëveshjen për koalicionin qeverisës mes Zoran Zaev dhe Ali Ahmetit. Ditë të shënuar për shqiptarët e ka konsideruar Rama, marrëveshjen me 2 fjali të shkurtra në rrjetet sociale.

“Ditë e shënuar për shqiptarët e Maqedonisë së Veriut, që falë marrëveshjes me fituesin e zgjedhjeve, Zoran Zaev, marrin një peshë të re në jetën politike të vendit fqinj.  Urime të gjithëve, veçanërisht Ali Ahmetit, që me urtësinë e lidershipit të tij në vite ka bërë kaq shumë”, shkruan Rama.

Kujtojmë se sot pasdite, kreu i Lidhjes Social-Demokrate të Maqedonisë (LSDM), Zoran Zaev, pas takimit me kreun e Bashkimit Demokratik për Integrim (BDI), Ali Ahmeti, ka deklaruar se është arritur marrëveshje koalicioni për të formuar një shumicë parlamentare, raporton Anadolu Agency (AA).

“Sot, së bashku me kreun e BDI-së, Ali Ahmeti dhe me sekretarët e përgjithshëm të LSDM-së dhe BDI-së, kishim një takim të suksesshëm pune në të cilin specifikuam dhe konfirmuam kornizën për bashkëpunimin e ardhshëm të koalicionit qeveritar. Midis LSDM-së, koalicionit ‘Mundemi’ dhe BDI-së është arritur marrëveshje për formimin e shumicës parlamentare, për ndarjen e përgjegjësive, për përbërjen dhe parimet e qeverisë së re me një mandat të plotë që në katër vitet e ardhshme do të punojë e përkushtuar ndaj interesave të qytetarëve dhe shtetit”, deklaroi Zaev. /CNA.al

 

 





Lajmet e fundit nga