web counter
LEXO PA REKLAMA!

SHKARKO APP

App Store
Google Play

Mjeku i QSUT-së thirrje të fortë qytetarëve/ Covid-19 është kërcënim real, mos shkoni në festa

12 Gusht 2020, 20:27, Lifestyle CNA

Mjeku i QSUT-së Ilir Allkja ka bërë një thirrje të fortë për qytetarët, duke marrë shkas nga festat dhe dasmat që po zhvillohen në kohë pandemie.

Në një postim në rrjetet sociale, Allkja deklaron se COVID-19 nuk është legjendë, por është një kërcënim real, ndaj i kërkon qytetarëve të kujdesen për veten.

Mjeku thekson se shëndetin duhet ta ruajmë për veten dhe jo për qeverinë, pasi tregon se ka shumë qytetarë që luftojnë çdo ditë me jetën.

?Nga shumë të njohur kam mësuar se në Tiranë, por edhe nëpër rrethe organizohen dasma,fejesa e festa fshehurazi, në mënyrë që të ruhen nga gjobat e qeverisë! Të dashur miq, jeta dhe shëndeti është gjëja më e shtrenjtë që kemi! Gjithçka shkon e vjen dhe ne sido që të na venë punët ngushëllohemi me shprehjen: Të kemi jetën, të kemi shëndetin, themi. Shëndetin ne nuk e kemi e as e ruajmë për qeverinë por për vete, prandaj jetën dhe shëndetin duhet t’a ruajmë si gjënë më të shtrenjtë!

Distancimi fizik është i domozdoshëm për t’u mbrojtur nga infeksioni i COVID-19! COVID-19 nuk është legjendë, por është një kërcënim real! Unë personalisht vizitoj çdo ditë të sëmurë me COVID-19, të cilët luftojnë çdo ditë me jetën duke sfilitur mes dhimbjeve, temperaturës që nuk zbret, shtrëngimeve të forta të gjoksit e shumë shqetësimeve të tjera! Miq, evitoni festat, grumbullimet, takimet! Jeta një herë të vjen!?, shkruan ai./ CNA.al





Lajmet e fundit nga