E fundit!

11:46 Aktualitet

Balla, pyetje publike protestuesve

Kreu i grupit parlamentar të PS, Taulant Balla iu është dr...

Vaksina ruse "jashtë serie"/ Dokumenti: Nuk është testuar siguria

12 Gusht 2020, 09:36, Lifestyle CNA

Dje, presidenti Vladimit Putin njoftoi se vaksina kundër Covid-19 e prodhuar nga shkencëtarët në shtetin që ai drejton është efektive dhe do të regjistrohet brenda disa ditësh.

Presidenti rus shkroi në një postim që duket se mori vëmendjen e të gjithëve, se njësoj si sateliti rus që shkoi i pari në hapësirë, tashmë Rusia do të ketë vaksinën që do ti garantojë të gjithë botës një të ardhme pa Covid 19, pa izolim dhe pa maska, madje ai tha për siguri, se vaksina u injektua edhe në trupin e vajzës së tij.

Por sot, agjensia e lajmeve Fontanka ka bërë të ditur se vaksina e koronavirusit të Vladimir Putinit është testuar mbi vetëm 38 persona dhe shkakton efekte anësore përfshirë dhimbjen e trupit si dhe ënjtjen e tij. ?Droga? shumë e trumbetuar ruse u regjistrua pas vetëm 42 ditëve kërkim dhe efektiviteti i saj është i panjohur sipas agjenisë së lajmeve ruse. Në një nga dokumentet e paraqitura për regjistrim thuhet se ?nuk janë kryer studime klinike për të studiuar efektivitetin epidemiologjik?, pavarësisht pretendimeve të Putinit se vaksina ka kaluar ?të gjitha testet e nevojshme?.

Ndërkohë edhe Organizata Botërore e Shëndetit (OBSH) i bëri thirrje Rusisë që të ndjekë udhëzimet ndërkombëtare në prodhimin e vaksinës kundër infeksionit COVID-19.

Kjo, pasi Rusia tha se do të fillojë vaksinimin e popullatës kundër koronavirusit në vjeshtë.

?Ndonjëherë studiuesit individualë pretendojnë se kanë gjetur diçka, që natyrisht është një lajm i jashtëzakonshëm,? u tha zëdhënësi i OBSH-së Christian Lindmeier gazetarëve. ?Por ekziston një ndryshim i madh midis gjetjes ose indikacioneve se një vaksinë po funksionon dhe një vaksinë që ka kaluar të gjitha fazat,? shtoi ai.

Vaksina ruse nuk është në listën e OBSH-së me gjashtë vaksina që kanë arritur në fazën e tretë të provave klinike.

Shqetësime për efektivitetin e vaksinës ruse kanë shprehur edhe ekspertë të shëndetit në SHBA. /CNA.al