E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

Frika e Luli Bashës/ Reagimet për kandidimin e Berishës dhe listat e hapura

12 Gusht 2020, 10:59, Politikë CNA

Lulzim Basha po tregon panik kohët e fundit në marrëdhëniet e tij të paktën publikisht me Sali Berishën.
Askush nuk po e kupton pse është i trembur Luli, kur askush s?po e ngacmo, por e kanë lënë të hedhë hapat që do vetë, qoftë edhe duke formalizuar një komision që do bëjë lista për tju faturuar më pas humbjen.

Në asnjë hap të këtij procesi nuk hynte lideri historik i PD, Sali Berisha, po dy të emëruar nga Luli dikur kundërshtarë të ashpër të tij, dolën dhe provokuan. Genc Ruli, tha se Berisha duhet ta mbyllte dhe jo ta hiqnin, ndërsa më i turpshëm dhe tallës ishte qëndrimi i ardhur nga Besnik Mustafaj që e quante si vlerë rikandidimin e Berishës, a thua se po fliste për rikandidimin e Salianjit apo Gridës.

Në fakt as njëri dhe as tjetri s?kanë kompetencë në atë komision paçavure të diskutojnë a duhet ose jo Berisha në listë, pasi nuk e kanë as kompetencë edhe pse janë në pozicion antistatutor. Por reagimi i tyre nuk ishte as më shumë e as më pak fërkimi i barkut nga Rilindja dhe kundërshtarët e Berishës që shijonin talljen e dy personazheve që Luli po i përdor si vegla të tij përpara demokratëve.

Lulzim Basha ka një hall të madh me Berishën dhe nuk e kontrollon dot veten ndaj dhe urdhëron të tilla sulme. E në rast se nuk i ka bërë vetë, minimalisht duhet t,i ndalte të tilla qëndrime. Halli i Bashës është shumë i madh. Së pari profili dhe hija e rëndë që ende ka Sali Berisha në PD, ç?ka do të thotë një fërshëllimë e tij mund ta nxjerrë nga dritarja Luli Bashën dhe e dyta ka të bëjë me garën.

Kjo është një dhimbje tjetër për Lulin. Me lista të hapura me Berishën në të njëjtin qark, por edhe të ndarë po të jenë, Lulzim Basha del 2 apo 3 herë më pak i votuar nga Berisha, këtë e di mjaft mirë Luli dhe ky është thelbi i problemit të tij. Prandaj dhe erdhën ato dy reagime që tregojnë se Berisha ka filluar të jetë problem i Lulit. Frika e një humbje apo bashkëqeverisje me Ramën mund ta nxjerrë nga politika njëherë e mirë, kuptohet që Berisha do i japë atë që i takon në fund, prandaj dhe është shumë i sikletosur Lulzim Basha./CNA.al