web counter
LEXO PA REKLAMA!

SHKARKO APP

App Store
Google Play

E fundit!

x

100 plumba drejt hotelit/ I forti i Pogradecit mbrohet nga Edi Rama (Denoncimi në 2016)

12 Gusht 2020, 09:44, Politikë CNA

Ilir Berberi, i cili terrorizoi Pogradecin duke derdhur 100 plumba kallashnikovi mbi një hotel në Volorekë, njihet përpos veprave penale, edhe për lidhjet me Partinë Socialiste në qytet.

Partia Demokratike e ka denoncuar 52-vjeçarin Berberin, i cili njihet më së shumti si ‘Lili i Rushkës’, që në shkurt të vitit 2016 duke bërë të ditur se ai dhe grupi kriminal që drejton, mbrohen direkt nga Edi Rama.

Me rastin e atij denoncimi Ilir Berberit dhe pjesëtarëve të grupit që drejton, u është publikuar edhe skeda kriminale:

Ilir Berberi: I dënuar për gjobëvënie, vjedhje dhe armëmbatje pa leje. Në Pogradec njihet si Lili i Rrushkës. I hetuar edhe për disa ngjarje të rënda kriminale si për vrasjen e shefit të komisariatit në Pogradec Argon Gjyrezi.

Meardi Berberi: I ndjekur disa herë penalisht nga Prokuroria për tentativë vrasje, gjobvënie, plagosje e rëndë me dashje dhe armëmbajtje pa leje. Kreu 1.4 vite burg për gjobvënie. Ky person është në mbikqyrje  të vazhdueshme nga Policia. Kanosi me armë Administratorin e ri të Ujësjellësit.

Bledar Berberi: I ndjekur penalisht nga Prokuroria për akuzën armëmbajtjes pa leje dhe trafikim armësh drejt Greqisë.

Mariglen Topuzi: I përfshirë në disa ngjarje të rënda kriminale me përdorimin e armëve të zjarrit.

Genci Allka: I ndjekur penalisht per tentative vrasje.

Xhuliano Topuzi dhe Aleks Mertkola të ndjekur penalisht nga Policia për trafik droge.

PD denonconte që në vitin 2016 edhe se, ?këta banditë që mbron Edi Rama jo vetëm kishin zaptuar Ujësjellësin, por kanë shkaktuar një dëm prej  300 milionë lekësh për 5 muaj vetëm me pagat, duke përfshirë dhe një rast ekzemplar abuzimi, si blerja me paratë e ujësjellësit të makinës private të drejtorit, në shifrën 74 milionë lekë?. /CNA.al





Lajmet e fundit nga