web counter
LEXO PA REKLAMA!

SHKARKO APP

App Store
Google Play

Deputetja socialiste humb vëllain nga koronavirusi/ Prek me dedikimin

11 Gusht 2020, 16:00, Politikë CNA

Deputetja socialiste Vila Bello, ka humbur sot vëllain si shkak i koronavirusit.

Lajmin e ka bërë të ditur vetë deputetja në një postim në rrjetet sociale, ku ka prekur miqtë virtualë me një dedikim.

Mësohet se Drini Bello ka humbur betejën me virusin e padukshëm në një moshë të re, ndërsa deputetja thotë se e kishte jo vetëm si vëlla por edhe si shok.

?Të njoha si djalin e madh të shtëpisë, Drini Bello, po në jetën time me familjen tënde, tonën të madhe, ishe shoku e vëllai im i madh. Unë sot të humba, vëlla! Do na mungosh shumë!
Të qoftë dheu i lehtë, i miri Drin!?, shkruan, ndërsa pak minuta më parë ka bërë një tjetër postim ku njofton se ceremonia funerale do të zhvillohet vetëm nga familjarët.

?Hidhërimi dhe dhimbja jonë për humbjen e Drinit, babait, bashkëshortit, birit, vëllait tonë të veçantë janë të pafjala. Duke respektuar gjithë miqësinë e respektin e miqve e familjarëve për Drinin tonë të mirë, si dhe për shkak të situatës, dita sot do jetë familjare.

Nesër nga ora 9:00 – 12:00 do të jemi te shtëpia funerale “Alba”, për t’i dhënë lamtumirën e fundit Drinit të buzëqeshur në shpirt e mendim! Prehu në paqe ti, njeriu ynë i veçantë!?, nënvizon Bello./ CNA.al





Lajmet e fundit nga