web counter
LEXO PA REKLAMA!

SHKARKO APP

App Store
Google Play

E fundit!

x

“Kërkoni ndihmë nga Italia”/ Meta: Të ecet më shpejt me terapinë me plazmë hiperimune

10 Gusht 2020, 16:26, Politikë CNA

Presidenti Ilir Meta ka bërë një thirrje publike për ministrinë e Shëndetësisë lidhur me situatën e Covid-19.

Në një postim në rrjetet sociale, Meta apelon që të ecet sa më shpejt me terapinë me plazmë hiperimune (konvaleshente), pasi thekson se aplikimi i saj ka rezultuar pozitiv.

Gjithashtu Kreu i Shtetit bën thirrje që qeveria të kërkojë ndihmë nga Italia për asistimin me specialistë.

“Nisur nga informacionet përgjithësisht pozitive lidhur me terapinë me plazmë hiperimune (konvaleshente) dhe për shkak se aplikimi i saj ka rezultuar mjaft i dobishëm për pacientët me COVID-19, inkurajoj të ecet sa më shpejt me këtë terapi, duke siguruar së pari të gjitha aparaturat që bëjnë të mundur aplikimin e saj.

Në këtë situatë, është shumë e rëndësishme të kërkohet ndihmë nga Italia për asistimin me specialistë, si një vend me eksperiencë të spikatur për vënien në zbatim të këtij protokolli. Kjo do të mundësonte jo vetëm një aplikim të sukseshëm dhe zbatim strikt dhe shkencor të këtij protokolli, por dhe do evitonte çdo lloj pasaktësie e pasigurie, që mund të verifikohet në praktikë”, shkruan Meta./ CNA.al





Lajmet e fundit nga