web counter
LEXO PA REKLAMA!

SHKARKO APP

E fundit!

x

Mbyllet sot sesioni parlamentar/ Pritet miratimi i ndryshimeve kushtetuese, ende pa konsensus me opozitën

30 Korrik 2020, 06:39, Politikë CNA

Sesioni parlamentar mbyll Legjislaturën e IX, ndërsa në seancën e sotme pritet votimi në Kuvend i ndryshimeve kushtetuese.

Kjo seancë është e dedikuar vetëm ndryshimeve kushtetuese ose me saktë votimit të draftit me amendime kushtetuese që janë të marrëveshjes së PS me opozitën parlamentare miratuar fillimisht nga Këshilli i Legjislacionit dhe Komisioni i Ligjeve.

Në marrëveshjen me 4 pika të PS me opozitën parlamentare, pjesa më e rëndësishme janë ndryshimet kushtetuese, dhe prekja e neneve 64 dhe 68 që sjellin ndalim të koalicioneve parazgjedhore dhe hapjen e listave.

Nga ana tjetër duket se ndryshimet kushtetuese sot do të votohen pa konsesusin e opozitës jashtëparlamentare.

Një ditë më parë, në mbledhjen e Këshillit Politik, përfaqësuesi i PS-së, Damian Gjiknuri refuzoi propozimin me 6 pika të PD- LSI për hapjen e listave 100%.

Ndërkohë, Opozita jashtëparlamentare propozoi që të prekej vetëm neni 68 i Kushtetutës dhe jo ai 64 që ndalon koalicionet parazgjedhore, por Gjiknuri u largua nga tryeza duke premtuar se sot do të miratohen ndryshimet kushtetuese kurse më pas mund të ulen sërish në Këshill Politik për të shkruar rregullat për hapjen e listave dhe koalicionet.
Për miratimin e ndryshimeve kushtetuese duhen 94 vota në Kuvend.





Lajmet e fundit nga