web counter
LEXO PA REKLAMA!

SHKARKO APP

App Store
Google Play

E fundit!

x

“Nuk është drejtësi, por hakmarrje e shtetit”/ Çfarë paralajmëron Manjani

29 Korrik 2020, 19:24, Politikë CNA

Ish-ministri i Drejtësisë Ylli Manjani, në një intervistë për Ora news ka komentuar kërkesën e SPAK për arrestimin e dy ish-komisionerëve të vdekur.

Për Manjanin, sistemi i drejtësisë penale është i gabuar se lejon abuzime mbi qytetarët.

?Kjo është pasoja e një drejtësie në sistem dhe nuk u rregullua për vite. Kemi një sistem drejtësie bolshevik që prodhon këto pasoja. Ligji i arrestimeve që është në drejtësinë panale është bolshevik. U bie në qafë viktimave me pa të drejtë. Nuk kam problem me prokurorët, ata mund të jenë të aftë, por sistemi i drejtësisë penale është i gabuar se lejon abuzime mbi qytetarët. Çfarë hetimesh janë bërë për këtë çështje, kur ti nuk e di a ka vdekur personi? Si do të shkosh te peshqit e mëdhenj kur nuk e di a ka vdekur peshku i vogël?

Çfarë kuptimi ka të bëhen hetimet? Së paku te bëheshin hetime sa bëri gazetari i BILD. Nëse njerëzve nuk u jepet garanci, por paketohen në dhomat e paraburgimit, nuk është drejtësi, por hakmarrje e shtetit. SPAK-u ka ndjekur një çështje rutinë, por çështja është sistemi sepse ligji është i gabuar, që i cilësojnë njerëzit letra. Ky është problem?, tha Manjani./CNA.al





Lajmet e fundit nga