web counter
LEXO PA REKLAMA!

SHKARKO APP

App Store
Google Play

E fundit!

x

Faza finale e vaksinës në SHBA për 30 mijë vetë/ Gjysma e tyre do të marrin ujë me kripë

27 Korrik 2020, 15:05, Lifestyle CNA

Ka nisur këtë të hënë, faza e tretë eksperimentale e vaksinës së prodhuar nga kompania Moderna në SHBA. Kjo konsiderohet edhe faza e testimit masiv, pasi 30 mijë individë të shëndetshëm do të marrin pjesë në eksperiment.

Në dy fazat e para, testimi në grupe më të vogla, vaksina ka rezultuar e suksesshme dhe ka mundur të sigurojë imunitet tek të gjithë pjesëmarrësit.

Në fazën e tretë vaksina me bazë ARN të “Modernes” do t?u jepet rreth 30 mijë të rriturve dhe qëllimi kryesor i studimit do të jetë parandalimi i infektimit me COVID-19.

Testimi do të bëhet nën monitorimin e qeverisë amerikane që synon të përshpejtojë testimet dhe prodhimin e një vaksine anti-COVID.

Testimi do të bëhet i tillë që 15 mijë personave t’u injektohen dy masa vaksine, me diference kohore prej 28 ditësh dhe 15 mijë të tjerëve do t?i injektohen dy masa me ujë të kripur.

Sakaq, as vullnetarët dhe as stafi mjekësor që do të bëjë injeksionet nuk do të dinë kush po merr vaksinën e vërtetë dhe qëllimi kryesor i testimit është të përcaktohet nëse vaksina mund të parandalojë infektimin me koronavirus. /CNA.al





Lajmet e fundit nga