web counter
LEXO PA REKLAMA!

SHKARKO APP

App Store
Google Play

Te Levante ndryshojnë mendje, ja çdo ndodhë me Sadikun

26 Korrik 2020, 08:24, Sport CNA

E ardhmja e Armando Sadikut mbetet në ajër. Mes dëshirës së Malagas për të blerë kartonin e tij dhe asaj të Aris të Selanikut për të bërë të njëjtën gjë, del në skenë tashmë edhe Levante, që po mendon seriozisht se mos ndoshta duhet të mbajë sulmuesin shqiptar i cili ka treguar se mund të përshtatet me futbollin spanjoll. Viti i tij te Malaga ka qenë shumë pozitiv pasi në një skuadër me shumë probleme ku mungonin alternativat, ai me golat e tij e ka ndihmuar që të mbijetojë në La Liga 2.

Ndaj edhe drejtori sportivi i Levantes që zotëron kartonin e sulmuesit, David Navaro, ka deklaruar se në klub janë të pavendosur për futbollistin shqiptar. I pyetur nëse klubi do të mbante përsëri Majoral të huazuar nga Real Madrid apo nëse do të blinte sulmues të tjerë, Navaro kujtoi se në skuadër ka ende lojtarë cilësorë në repartin e avancuar.

?Gjithçka varet nga ajo që do të ndodhë me Majoral. Kemi Morales dhe disa të tjerë në këtë pozicion si Sadiku, Roxher apo Serxhi Leon. Të shohim se çfarë do të ndodhë me transferimin e Sadikut, pasi ai ka bërë një vit të mirë?, tha drejtuesi i Levantes duke lënë të kuptohet se largimi i tij nuk ishte plotësisht i sigurt.

Sadiku ka edhe një vit kontratë me Levanten, ndaj nëse vendos të qëndrojë në klubin e La Liga, pritet të nënshkruajë një rinovim të marrëveshjes. Përndryshe, në klubin spanjoll do të kërkojnë një shifër të përafërt me 1,4 milionë eurot që shpenzuan për blerjen e tij nga Legia Varshava.





Lajmet e fundit nga