web counter
LEXO PA REKLAMA!

SHKARKO APP

App Store
Google Play

Uzuni largohet me nder, shqiptarët dërgojnë Lokomotivën në Champions League

26 Korrik 2020, 07:43, Sport CNA

Lokomotiva Zagreb ka hyrë sot në historinë e futbollit kroat, duke u shpallur nënkampione e Kroacisë dhe duke siguruar pjesëmarrjen në kualifikueset e Ligës së Kampioneve. Një arritje e jashtëzakonshme kjo e  skuadrës që ka në përbërjen e saj 5 shqiptarë, duke llogaritur se e siguroi me një fitore në frymën e fundit në fushën e Osijek.

Në ndeshjen ku Mersinaj, Çolaj, Kastrati e Uzuni ishin titullarë, skuadrat dhuruan një lojë të fortë por ekipi i Lokomotivës, praktikisht një filial i Dinamo Zagreb që ka në radhët e tij shumë lojtarë të rinj, arriti që në fillimin e pjsesë së dytë të gjente golin e avantazhit me Uzunin protagonist.

Pikërisht një gjuajtje e sulmuesit shqiptar u kthye nga portieri e pastaj u dërgua në rrjetë nga Jakiç, për t?iu dhënë avantazhin Lokomotivës. Megjithatë, vendasit të cilëve u mungonte Grezda që vuan pezullimin e tij, barazuan shpejt rezultatin me anë të Mariç dhe hapën sfidën.

Por në minute e 88, pas zhvillimit të një goditje nga këndi, Lokomotiva detyroi Lonçar të shënonte autogol, me një aksion ku përsëri ishte Uzuni protagonist me një devijim, për të siguruar fitoren 2-1 që e ngjiti në vendin e dytë në renditjen e përgjithshme dhe i siguroi kualifikimin e pabesueshëm në Champions.
Kështu, Uzuni largohet si protagonist nga skuadra, duke i lënë kujtim një kualifikim që do të mbetet në histori e të cilin do ta gëzojnë shqiptarët e tjerë që do të mbeten pjesë e ekipit pasi sulmuesi t?i bashkohet Ferencvarosh.





Lajmet e fundit nga