E fundit!

22:38 Aktualitet

Protestojnë prej 26 ditësh/ Qytetarët vijojnë marshimin në rrugët e Tiranës

Prej më shumë se 1 ore, protestuesit vijojnë marshimin në ...

Ndeshja me Skënderbeun, Shehi: Vështirë ta motivoj ekipin në këto momente

24 Korrik 2020, 07:55, Sport CNA

Për Orges Shehin, eliminimi nga Kupa e Shqipërisë dhe heqja dorë nga titulli kampion me Kukësin, është diçka që ?djeg?. Ai gabim në Shkodër i dha matematikisht titullin kampion Tiranës. Për numrin një të pankinës verilindore, nuk është e thjeshtë të motivojë skuadrën pa objektiva në dy ndeshjet e fundit, por u ka kërkuar djemve që të japin maksimumin dhe ta mbyllin ashtu siç duhet sezonin.

Në intervistën për ?Panorama Sport?, durrsaku flet edhe për të ardhmen, teksa pranon se është një temë që nuk është diskutuar ende me klubin. Ndërsa në lidhje me Teqjen, për trajnerin nuk ka qenë një surprizë largimi në Francë. Ai shpreson që Vasil Shkurtaj të shpallet kryegolashënues i kampionatit.

Sa e vështirë është që të motivoni skuadrën tashmë që ka dalë nga synimet për trofe?
Tani që jemi edhe jashtë objektivave dhe për më tepër në fund të kampionatit, është disi e vështirë. Por, u kam thënë djemve që ndeshjet e fundit duhet t?i mbyllim siç duhet dhe duhet t?i fitojmë.

Çfarë pritni nga ndeshja e sotme me Skënderbeun?
Nga kjo ndeshje me Skënderbeun pres që të rikthehemi si para përballjes me Vllazninë, ku kemi bërë paraqitje të mira. Do japim maksimumin tonë dhe normalisht do të synojmë që të fitojmë.

A keni folur me drejtuesit për të ardhmen?
Jo, jo. Nuk kam diskutuar për këtë çështje me drejtuesit.

Largimi i Teqjes ishte diçka e pritshme?
Për Teqjen e dinim se nga fundi i kampionatit kishte mundësi për të firmosur në Francë. Ndaj, nuk ishte surprizë largimi i tij.

Jeni i zhgënjyer nga ajo që dha ekipi në Shkodër?
Ndeshja me Vllazninë ishte e keqe, sepse ndikoi shumë edhe eliminimi në Kupë. Nuk doja kurrsesi ta humbnim atë ndeshje.

A do të luajë skuadra në këto dy ndeshje të mbetura për ta nxjerrë Shkurtajn golashënues?
Skuadra do të luajë normalisht për të fituar në dy ndeshjet që kanë mbetur, për ta mbyllur ashtu siç duhet sezonin. Por, do të donim që edhe Shkurtaj të shpallej golashënuesi më i mirë i kampionatit.