E fundit!

21:28 Politikë

"Gonen e paskan përzënë dhe nga protesta, Tiku sjell tezen"/ Balla ironizon Shehajn dhe Lapajn

Kreu i Grupit Parlamentar të Partisë Socialiste, Taulant B...

Tirana si Skënderbeu në Europë, UEFA zyrtarizon kalendarin

23 Korrik 2020, 17:20, Sport CNA

UEFA ka zyrtarizuar datat për sezonin e ardhshëm të Ligës së Kampioneve dhe Ligës së Europës, me kalendarin e ri që zhvendoset në mënyrë drastike si pasojë e COVID-19 dhe me shumë mundësi do të përplaset me kampionatet e ndryshme kombëtare.

Një situatë që e ka përjetuar Skënderbeu kur luante në fazën në grupe të Ligës së Europës, kur zhvillonte play-off e më pas aktivitetin paralelisht me kampionatin kombëtar e që tashmë do ta përjetojë njëlloj të paktën edhe Tirana mes klubeve shqiptare meqë Superiorja pritet të kthehet në muajin shtator.

Gjithçka ka të bëjë me Ligën e Europës, faza kualifikuese e të cilës është shtyrë për shkak të formulës së komplikuar në muajin shtator, ndërsa një pjesë e ndeshjeve të Ligës së Kampioneve do të zhvillohen në gusht. Humbësit në ture të ndryshme në Ligën e Kampioneve shkojnë në Ligën e Europës, ndaj UEFA ka bërë disa lëvizje të rëndësishem në kalendar për të bërë më të thjeshtë udhëtimet e tyre në mes kaosit e bllokimeve si pasojë e pandemisë.

Nëse ndeshja e turit të parë eliminator të Ligës së Europës luhet më 27 gisht, turi i dytë luhet më 17 shtator, kur me siguri kampionati në vendin tonë do të ketë filluar dhe luajtur javët e para. Në seknarin më të keq, në këto ndeshje të shtatorit do të jetë e pranishme Tirana, nëse skuadrat e tjera shqiptare janë eliminuar që në turin e parë. Kjo, pasi në rast eliminimi nga Liga e Kampioneve ku merr pjesë në turin e pare që më 18-19 gusht, Tirana do të shkojë në turin e dytë të Ligës së Europës sipas formulës së aktivitetit.

Kështu, për Tiranën dhe të gjithë klubet e tjera shqiptare pjesëmarrëse në Europë e që kanë ambicie që të kalojnë turin, përgatitja për sezonin e ri do të jetë e veçantë, pasi duhet ta kombinojnë atë me pjesëmarrjen në kampionat, duke racionalizuar sforcat e ndoshta duke sakrifikuar pak aktivitetin kombëtar në ato javë për të bërë një përfaqësim sa më të mirë në arenën ndërkombëtare.